بروسكەی سەرەخۆشیی سەرۆك بارزانی بەبۆنەی كۆچی دوایی سمایل ئاغای ئێلخانیزادە

هەولێر-KDP.info-  سەرۆکی هەرێمی کوردستان لە بروسکەیەکدا بەبۆنەی کۆچی دوایی سمایل ئاغای ئێلخانیزادە رایگەیاند "بەداخەوە هەواڵی کۆچی دوایی وەزیری ڕێگەوبان لە سەردەمی کۆماری کوردستان، سمایل ئاغای ئێلخانیزادە - مان پێ گەییشت. لەم بۆنە خەمناکەدا پرسە و سەرەخۆشیی خۆم بە خانەوادەی بەڕێزتان و سەرجەم خزم و كەسوكارتان ڕادەگەیەنم و بەشداری خەمتانم."

دەقی بروسکەی (سەرۆک بارزانی) بەبۆنەی كۆچی دوایی سمایل ئاغای ئێلخانیزادە:

بەناوی خودای مەزن و دلۆڤان

بۆ خانەوادەی بەڕێزی سمایل ئاغای ئێلخانیزادە

بەداخەوە هەواڵی کۆچی دوایی وەزیری ڕێگەوبان لە سەردەمی کۆماری کوردستان، سمایل ئاغای ئێلخانیزادە - مان پێ گەییشت.

لەم بۆنە خەمناکەدا پرسە و سەرەخۆشیی خۆم بە خانەوادەی بەڕێزتان و سەرجەم خزم و كەسوكارتان ڕادەگەیەنم و بەشداری خەمتانم.

لە خودای گەورە داواكارم گیانی سمایل ئاغا بباتە بەر دلۆڤانیی خۆی و دڵنەوایی و ئارامییش بە گشت لایەك ببەخشێت.

انا لله و انا الیه راجعون

مەسعوود بارزانی

سەرۆكی هەرێمی كوردستان

23ـی 5ـی 2016