ڕوونکردنەوەیەک لە گوتەبێژی سەرۆکایەتیی هەرێمی کوردستانەوە

هەولێر-KDP.INFO-  سەرۆکایەتیی هەرێمی کوردستان، لێدوانێکی (ئەیاد عەللاوی) ڕەت دەکاتەوە کە، بە ناوی سەرۆکی هەرێمی کوردستان بڵاوی کردووەتەوە کە گوایە مەسەلەی کەرکووک و نەوتی پێکەوە گرێ داوە.

دەقی ڕوونکردنەوەکەی گوتەبێژی سەرۆکایەتیی هەرێمی کوردستان:

"ڕۆژی 18ـی8ـی2014 ڕۆژنامەی الشرق الاوسط دیمانەیەکی لەگەڵ بەڕێز دکتۆر ئەیاد عەللاوی بڵاو کردۆتەوە و لەبەشیکیدا قسەیەک بە ناوی بەڕێز سەرۆکی هەرێمی کوردستانەوە بڵاو کراوەتەوە کە مەسەلەی کەرکووک و نەوتی پێکەوە گرێ داوە، دواتریش هەندێ لە میدیاکان ئەو قسەیان بڵاو کردۆتەوە.
لێرەدا بە هەموو لایەکی ڕادەگەیەنین کە بەڕێز سەرۆک بارزانی نە پرسیاری لەوجۆرەی لێ کراوە و نە باسیشی لەگەڵ کراوە و نە قسەیەکی لەو شێوەیەی کردووە.

دکتۆر ئومێد سەباح
گوتەبێژی سەرۆکایەتیی هەرێمی کوردستان
20ـی8ـی2014"