سەرۆکوەزیرانی ئیتالیا سبەی دێتە هەولێر و پەرلەمانەکەیشی پڕچەککردنی پێشمەرگە دەخاتە بەر باس
هەولێر-KDP.info- پەرلەمانی ئیتالیا لە چۆنیەتیی پڕچەککردنی هێزەکانی پێشمەرگەی کوردستان دەکۆڵێتەوە و سبەی چوارشەممەیش، سەرۆکوەزیرانی ئیتالیا(ماتیۆ ڕینتسی)، دەگاتە هەولێری پایەتەختی هەرێمی کوردستان.
گوتەبێژ بە ناوی سەرۆکوەزیرانی ئیتالیاوە ڕایگەیاند، سبەی چوارشەممە(ڕینتسی) سەردانی بەغدا دەکات و بەرلەوەی بگەڕێتەوە ڕۆما دەچێتە هەولێر.
سەردانی سەرۆکوەزیرانی ئیتالیا لەکاتێکدایە کە پەرلەمانی وڵاتەکەی دەربارەی پێشکەشکردنی پێشنیازی حکوومەت بۆ دانی چەک بە هێزەکانی پێشمەرگە بۆ شەڕکردن بە ڕووی تیرۆر، کۆ دەبێتەوە.
ڕۆیتەرز- زریان زیاد
