قوباد تاڵه‌بانی، 68ـه‌مین ساڵیادی دامه‌زراندنی پارتی دیموركراتی كوردستان پیرۆز دەکات
بۆ به‌ڕێز كاك مه‌سعود بارزانی سه‌رۆكی پارتی دیموكراتی كوردستان
به‌ڕێز كاك نێچیرڤان بارزانی جێگری سه‌رۆكی پارتی دیموكراتی كوردستان
به‌ڕێزان ئه‌ندامانى مه‌كته‌بی سیاسی و سه‌ركردایه‌تی پارتی دیموكراتی كوردستان
به‌بۆنه‌ی 68ـه‌مین ساڵیادی دامه‌زراندنی پارتی دیموركراتی كوردستان، به‌خۆشحاڵییه‌وه پیرۆزبایی خۆم ئاڕاسته‌ی به‌ڕێزان كاك مه‌سعود بارزانی سه‌رۆكی پارتی دیموكراتی كوردستان و كاك نێچیرڤان بارزانی جێگری سه‌رۆك و ئه‌ندامان مه‌كته‌بی سیاسی و سه‌ركردایه‌تی و ته‌واوی ئه‌ندامان و لایه‌نگران و كه‌سوكاری شه‌هیدانی پارتی دیموكراتی كوردستان ده‌كه‌م، له‌م بۆنه‌یه‌دا ده‌خوازم پارتی دیموكراتی كوردستان و یه‌كێتیی نیشتیمانیی كوردستان و سه‌رجه‌م پارته سیاسییه‌كان و هێزه‌كانی تری كوردستان، دژ به پیلانى ناحه‌زانی گه‌له‌كه‌مان هه‌میشه ته‌باو به‌یه‌كه‌وه بین، هیوادارین هه‌موو لایه‌كمان له یه‌كڕیزی نیشتیمانی به‌رده‌وام بین و خاوه‌ن یه‌ك گوتارو په‌یامی هاوبه‌ش و كاریگه‌ر بین، بۆ ئه‌وه‌ی بتوانین حزبه سیاسییه‌كان له كوردستان بۆ تێپه‌ڕاندنی ئه‌م قۆناغه‌و بۆ روبه‌ڕوبوونه‌وه‌ی شه‌ڕانگێزییه‌كانی ده‌وڵه‌تی تیرۆریستی و نێوده‌وڵه‌تی (داعش) هه‌موومان پێكه‌وه هه‌ماهه‌نگ و پاڵپشت و پشتیوانی یه‌كتر بین، تاوه‌كو گه‌له‌كه‌مان ئاسووده بێت و خه‌ڵكی كوردستان بتوانێت خۆشگوزه‌ران و له وڵاتێكی ئارامدا بژی.
هه‌ر به‌بۆنه‌ی دامه‌زراندنی پارتی دیموكراتی كوردستان له 16ی ئاب-دا درودو وه‌فاداری بۆ شه‌هیده سه‌ربه‌رزه‌كانی كوردستان و هاوخه‌می خۆمان بۆ بنه‌ماڵه‌ی شه‌هیده قاره‌مانه‌كانی كوردستان ده‌نێرین، هه‌روه‌ها هیوای چاكبوونه‌وه بۆ برینداره‌كانمان ده‌خوازین.
جارێكی تر پیرۆزباییتان لێده‌كه‌م و هیوای سه‌رفرازیتان بۆ ده‌خوازم.
قوباد تاڵه‌بانی
جێگری سه‌رۆكی حكومه‌تی هه‌رێمی كوردستان
16ى ئاب ى 2014
