مەتران ڕەبان: كوردستان هێلینی پێكەوەژیانە
هەولێر-KDP.info- مەترانی كلدانییەكان لە پارێزگای دهۆك دەڵێت، كوردستان هێلینی پێكەوەژیانە و "بە هۆی ئەو جوایەیشییەوە داوام لە ڤاتیکان و ئەمەریکاییەکان کردووە، پشتگیریی پێشمەرگە بكەن، بۆ ئەوەی ئەو ئەزموونە جوانە بپارێزن."
مەترانی كلدانیەكان لە پارێزگای دهۆك(مەتران رەبان) بۆKDP.info گوتی، "ڕۆڵی (سەرۆك بارزانی) و حكوومەتی هەرێمی كوردستان بەر دەنرخێنین بۆ ئەو پێشوازییەی كە لە پەنابەرانی كریستیان و ئێزدی و هەموو پێكاتەكانی تری عێراق کردیان، ئەوانەی لەبەر چەكدارانی تیرۆریستی داعش شوێن و جێگا و ماڵی خۆیان جێ هێشتووە."
(مەتران رەبان) گوتیشی، "لەم چەند رۆژەدا ژمارەیەكی زۆری میدیای جیهانی و بەتایبەتیش فەرەنسا و ئیتاڵیا و میدیای ڤاتیكان و ژمارەیەك ئەندامانی كۆنگرێسی ئەمەریكا، پەیوەندیان پێوە كردوون و لە لێدوانم بۆیان داوام لێ كردون كوردستان بپارێزین و پشتگیریی پێشمەرگە بكەن، چونكە هێلینی پێكەوەژیان و نموونەیەكی جوانی پێكەوەژیانە لە ناوچەكەدا."
حەكیم حیكمەت- فەرەیدون ئیبراهیم
