باسنیوز: کاروانێکی دیکەی چەکی قورس گەیشتە ھەولێر

هەولێر-KDP.INFO-  دووەم کاروانی چەکی قورس لە ڕێگەی فڕگەی نێودەوڵەتیی ھەولێرەوە گەیشتە پێشمەرگە و چەکەکان ئەمەریکایین و چەکی ئاست بەرز و پێشکەوتوون.

سەرچاوەیەکی ئاگادار بۆ (باسنیوز) ئاشکرای کردووە، ئەمڕۆ  کاروانێکی دیکەی چەکی قورس لە رێگەی فڕگەی نێودەوڵەتیی ھەولێرەوە گەیشتووەتە ھەرێمی کوردستان و ڕادەست بە ھێزەکانی پێشمەرگە کراون.

سەرچاوەکە گوتیشی "چەکەکان چەکی ئاستبەرز و پێشکەوتوون و ئەمەریکایین."

جێی باسە، لە چەند رۆژی رابردوویش کاروانێکی دیکەی چەک لە ڕێگەی فڕگەی نێودەوڵەتیی ھەولێرەوە گەیشتنە ھەرێمی کوردستان و ڕادەست بە ھێزی پێشمەرگەی کوردستان کران.