قاھیرە کۆنترۆڵ کرایەوە.. پێشمەرگە لە ھەموو لایەکەوە ھێرشی بەرپا کردووە
ڕەبیعە-تایبەت بەKDP.INFO- فەرماندەی لیوای ھەشتی ھێزی پێشمەرگە ئاشکرای کرد، ھێرشێکی گەورەیان دەست پێ کردووە و لە ھەموو لایەک و لەئێستادا توانیویانە گوندی قاھیرەیش کۆنترۆڵ بکەنەوە.
فەرماندەی لیوای ھەشتی ھێزی پێشمەرگە (ھاشم سیتەیی) بە kdp.infoی راگەیاند: "لە دوێنێوە رەبیعەمان گرتووەتەوە و ئەمڕۆیش لە ھەموو لایەکەوە ھێزی پێشمەرگە ھێرشێکی گەورەی بەرپا کردووە و لەئێستادا ئێمە گەیشتووینەتە ناوچەی قاھیرە و کۆنترۆڵمان کردووە و لە پێشرەویداین."
(ھاشم سیتەیی)گوتیشی: "لە ھێرشکردن بەردەوام دەبێن و بەرەو زوممار بەڕێدەکەوین و تەواوی ناوچەکان کۆنترۆڵ دەکەینەوە."
بڵند ئیبراھیم
