لە تلکێف شەڕ بەردەوامە.. کۆنترۆڵکردنی بەنداوی مووسڵ لەلایەن داعش ڕەتدەکرێتەوە.
تلکێف-تایبەت بەKDP.INFO- بەرپرسی ڕاگەیاندنی لقی 14-ی پارتیی دیموکراتی کوردستان، دەنگۆی دەستبەسەرداگرتنی بەنداوی مووسڵ لەلایەن چەکدارانی داعشەوە ڕەت دەکاتەوە و دەڵێت، ئەو بەنداوە لەژێر کۆنترۆڵی ھێزی پێشمەرگەدایە. گوتیشی، لە ناوچەی وانێی سەر بە شارۆچکەی تلکێف، هێشتا شەڕ بەردەوامە.
بەرپرسی راگەیاندنی لقی چواردەی پارتی دیموکراتی کوردستان لە مووسڵ (سەعید مەموزینی)بەKDP.INFOی راگەیاند: "لە ناوچەی وانێی سەر بە قەزای تلکێف شەڕ لەنێوان ھێزی پێشمەرگە و چەکدارانی داعشدا بەردەوامە و ھێزی پێشمەرگە لە ئامادەباشیدانە و بەرگریێکی باش دەکەن."
(سەعید مەموزینی) گوتیشی: "ئەو دەنگۆیانەی باس لەوە دەکەن کە بەنداوی مووسڵ لەلایەن داعشەوە کۆنترۆڵ کراوە، دوورە لە ڕاستییەوە و ئەو بەنداوە لەژێرکۆنترۆڵی ھێزی پێشمەرگە دایە."
بڵند ئیبراھیم
