ئەمشەو كاندیدی سەرۆك كۆمار یەكلا دەكرێتەوە
بەغدا-تایبەت بە kdp.info- پەرلەمانتارێكی پارتی دیموكراتی كوردستان ڕایگەیاند، ئەمشەو فڕاكسیۆنە كوردییەكان كۆ دەبنەوە و كاندیدی سەرۆككۆمار یەكلا دەكەنەوە.
ئەندامی پەرلەمانی عێراق لەسەر لیستی پارتی دیموكراتی كوردستان (ئەردەلان نورەددین) بە kdp.infoـی راگەیاند، بڕیارە ئەمشەو سەعات 11 فڕاكسیۆنە كوردییەكان لە بەغدا كۆ ببنەوە و تێیدا یەكێك لە دوو كاندیدەكانی یەكێتیی نیشتمانیی كوردستان بۆ پۆستی سەرۆككۆمار یەكلا بكەنەوە.
(ئەردەلان) زیاتر گوتی، سبەی پەرلەمانی عێراق كۆ دەبێتەوە و كوردیش تەنیا یەك كاندیدی بۆ پۆستی سەرۆككۆماری عێراق دەبێت.
هەر یەكە لە (د. فوئاد مەعسووم) و (د. بەرهەم ساڵح) كاندیدی فەرمیی یەكێتیی نیشتمانیی كوردستانن بۆ پۆستی سەرۆككۆمار و فڕاكسیۆنە كوردییەكانیش لە پەرلەمانی عێراق راسپێردراون یەكێك لەو دوو كاندیدە یەكلا بكەنەوە.
بڵند ئیبراهیم
