ھەفتەی داھاتوو پڕۆژەیاساکانی کۆمسیۆن و ریفراندۆم پەسەند دەکرێن
ھەولێر-KDP.info- سەرۆکی لیژنەی یاسایی لە پەرلەمانی کوردستان دەڵێت، پرۆژەیاساکانی کۆمسیۆنی باڵای سەربەخۆی ھەڵبژاردن و ریفراندۆم لە ھەرێمی کوردستان، ئامادە کراوە و ھەفتەی داھاتوو پەسەند دەکرێت.
سەرۆکی لیژنەی یاسایی لە پەرلەمانی کوردستان(د.ڤالا فەرید) بۆ kdp.infoگوتی، "پێشتر دوو پرۆژەیاسا بۆ کۆمسیۆنی باڵای سەربەخۆی ھەڵبژاردن و ریفراندۆم پێشکەش کرابوون و، ئێمەش لە لیژنەی یاسایی ھەردوو پرۆژەیاساکەمان کردە یەک پڕۆژەیاسا و، تەنیا چەند خاڵێک ماون، تەواو دەبێت و ئاراستەی سەرۆکایەتیی پەرلەمانی کوردستانی دەکەین."
(د.ڤالا فەرید) گوتیشی: "ھەفتەی داھاتوو لە کۆبوونەوەی پەرلەمانی کوردستان ماددە بە ماددە خوێندنەوەی بۆ دەکرێت و دەخرێتە دەنگدان و پەسەند دەکرێت."
بڵند ئیبراھیم
