پاریزگارێ دهوكێ: دڤێت UNپتر رولێ خوە ژ بو هاریكاریكرنا ئاوارەێن دهوكێ بگێڕیت

دهۆك –KDP.info- شاندەكێ UNب سەرۆكاتیا (جاكلین باتكوك) جێگرا هنارتیێ سكرتیرێ گشتی یێ UN  ل عیراقێ، ئەڤرو سەرا كارگێریا پارێزگەها دهوكێ دا و ژلایێ پارێزگەرێ دهۆكێ (فەرهاد ئەمین ) ڤە هاتنە پێشوازی كرن و هە ردوو لایان بەحسێ سەروبەرێ ئاوارێن كەمپا دومیز یا كوردێن رۆژئاڤا كرن، هەروەسا پێدڤی و كێماسیێن ڤێ كەمپێ گەنگەشە كرن.

د كۆمبوونەكێ دا بەحسێ كارێ چێكرنا كەمپێن باعەدرێ و تل سین و بەردیە و قووناغێن كاری و پێدڤیێن ب دووماهی ئینانا ڤان كەمپان هاتە كرن و تەئكید ل سەر لەزكرنێ دكاری ڤان كەمپان دا هاتە كرن.

پارێزگەرێ دهۆكێ (فەرهاد ئەمین) دڤێ كومبوونێ دا بو شاندێ ناڤبری دیاركر كو پێدڤیە UN باشتر و كاریگەر تر رۆلێ خوە ببینیت د هاریكاری كرنا كارگێریا پارێزگەها دهوكێ دا بۆ كێمكرنا كێماسیێن خەلكێ ئاوارە و دەربەدەر و بەرهەڤیا كارگێریا پارێزگەها دهوكێ بۆ هەر هەڤكاری و هاریكارییەكێ بۆ سەركەفتنا كاری ژبوی هەر كارەكێ دیاركر و تایبەت خزمەتكرنا ئاوارەیان دووپات كر.

دیسان سەرۆكا شاندێ UN(جاكلین باتكوك) جێگرا هنارتیێ سكرتیرێ گشتی یێ UN  ل عیراقێ پەسنا رۆلێ حكوومەتا هەرێما كوردستانێ د هاریكاریكرنا پەنابەرێن رۆژئاڤا و ئاوارێن پارێزگەهێن دی یێن عیراقێ كر و بەرهەڤیا خوە بۆ دابینكرنا پێدڤیێن ڤان ئاواران دیاركر وەكو خارن و كەل و پەلێن پێدڤی و ڤەگوهاستنا 311 قوتابخانێن نوكە وەلاتی تێدا ئاكنجی كو دبنە 5072 قوتابی و نووژەنكرنا ڤان قوتابخانان بۆ سالا خواندنێ یا بهێت.

دڵدار ئیبراهیم