به‌لینده‌رێن پارێزگه‌ها دهوكێ ئاماده‌یا خوه‌ نیشاندا بو پشته‌ڤانیكرنا هێزین پێشمه‌رگه‌ى

دهوك-KDP.info-  پارێزگه‌رێ‌ دهۆكێ‌ د كۆمبوونه‌كێ‌ دا ل گه‌ل به‌لێنده‌رێن دهۆكێ‌ لژنه‌ك پێك ئینان بۆ كۆم كرنا هاریكاریان بۆ هێزێن پێشمه‌رگه‌ی,پارێزگه‌هێ‌ به‌حسێ‌ ره‌وشا عیراقێ‌ و ئاواره‌بوونا خه‌لكێ‌ پارێزگه‌ها مووسل بۆ سنۆرێن پارێزگه‌ها دهۆكێ‌ و ئه‌و گوهۆرینا كه‌تواری یا ل ده‌ڤه‌رێن كورد نشین چێبووی و ئاخا كوردستانێ‌ كه‌فتیه‌ بن كونترۆلا هه‌رێمێ‌ كر.

پارێزگه‌رێ دهۆكێ )فه‌رهاد ئه‌مین ( گۆت: هاتنا وه‌لاتییان ژ باژێرێ مووسلێ قه‌یرانه‌كا ئابۆری و سیاسی ل هه‌رێمێ په‌یدا كریه‌ ب تایبه‌ت ل دهۆكێ و هه‌ر دیسا ئه‌ڤێ ره‌وشێ گورانكاریێن جوگرافی ژی دروستكرینه‌ و پێدڤییه‌ هاریكاری بۆ ده‌ڤه‌رێن مادده‌یا 140 ژی بهێته‌ كرن كو نها بۆ كوردستانێ ڤه‌گه‌ریایینه‌.

پارێزگه‌رێ دهۆكێ خویاژیكر كو پێشمه‌رگه‌ و له‌شكه‌رێ هه‌رێما كوردستانێ پێدڤی ب پشته‌ڤانییا ملله‌تینه‌ ژبۆ بده‌ستڤه‌ ئینانا سه‌ركه‌فتنێ و ئاشكراژیكر كو وه‌رگرتنا ئه‌ڤان هاریكارییان دێ ب شیوه‌یه‌كێ شه‌فاف بیت و هه‌ر ده‌مێ هه‌ر كه‌سه‌كی دڤیا بزانیت كا چاوا و ب چ شێوه‌ بۆ هاریكاریكرنا پێشمه‌رگه‌یان هاتییه‌ مه‌زاخت، دێ شێت ببینیت و بۆ ڤێ مه‌ره‌مێ ژی لژنه‌ هاتینه‌ پێشكئینان.
فه‌رهاد ئه‌مین دوپات ژی كر كو حوكمه‌تا هه‌رێمێ‌ و سه‌ركردایه‌تیا كوردستانی هه‌موو شیان و پێدڤی بۆ هێزێن پێشمه‌رگه‌ی دابین كرینه‌ لێ‌ وان هێشتا پێدڤیا ب پشته‌ڤانیا خه‌لكێ‌ كوردستانێ‌ هه‌ی، ژ به‌لێنده‌ران خواست كو ئه‌و ژی وه‌كو ئه‌ركه‌كێ‌ نشتیمانی و نه‌ته‌وه‌یی هاریكاریا پێشمه‌رگه‌ی بكه‌ن دا به‌ره‌ڤانیێ‌ ژ ئاخا وه‌لاتی بكه‌ن.

ژلایێ خۆڤه‌ ژی سه‌رۆكێ لقێ دهۆك یێ ئێكه‌تییا به‌لێنده‌رێن دهۆكێ (زیره‌ك تاهر) بۆ kdp.infoگۆت: هه‌موو ده‌مان د هه‌ر كاودانه‌كێ دا مه‌ وه‌كو به‌لێنده‌ر هاریكاری كریه‌ و نها ژی ئه‌م پشته‌ڤانییا خۆ ب كۆمكرنا زێده‌تر ژ نیڤ ملیۆن دۆلاران بۆ پێشمه‌رگه‌ی دیار دكه‌ین و ئه‌م هه‌موو خۆ ب پێشمه‌رگه‌ دزانین و هه‌ر به‌لێنده‌ره‌كی ل دووڤ شیان و پێ چێبوونێن خۆ ب گوژمه‌كێ پاره‌ی هاریكاری كریه‌.

پاش سه‌روكێ ئێكه‌تیا به‌لنده‌ران ل دهوكێ وبه‌لنده‌رێن پارێزگه‌هێ به‌رهه‌ڤیا خو دیاركر كو ب مال وگیانێ خو پشته‌ڤانیێ ل هێزێن پێشمه‌رگه‌ى بكه‌ن ودیاركرن كو ئامیره‌ت وئالیه‌تێن كومپانیێن وان دئاماده‌نه‌ بو ڤه‌گوهاستنێ بو به‌روكێن به‌ره‌ڤانیكرنێ كو بكه‌ڤنه‌ دخزمه‌تا پێشمه‌رگه‌ى دا ،هه‌ژى گوتنێ یه‌ لیژنه‌كا تایبه‌ت ب سه‌روكاتیا جێگرێ پارێزگه‌رێ دهوكێ هاتیه‌ ئاماده‌كرن بو كومكرنا هاریكاریا بو هێزێن پێشمه‌رگه‌ى.

 

دلدارئیبراهیم