پتر ژ 600 پێشمەرگێن دێرینێن دەڤەرا ئامێدیێ قەستا بەروكێن شەڕی كرن
ئامێدی -KDP.info- ژ بۆ پشتەڤانی كرنێ ل هێزا پێشمەرگەی و بەرڤانیكرن ژ ئاخا كوردستانێ، پتر ژ 600 پێَشمەرگەیێن دێرین و وەلاتی و فەرمانبەر و ماموستایێن دەڤەرا ئامێدیێ ل رۆژا شەمبی 28/6 قەستا بەروكێن شەڕی كرن.
لدور ڤییەكێ بەرپرسێ ڤێ هەوێ (محەممەد موحسین) بۆ kdp.infoدیار كر، كو بەری نوكە دەست ب نڤیسینا ناڤان كربوو و دوهیڤان خوە بەخشان قەستا بەروكێن شەڕی كرن، گۆت ژی دوورێن 650 كەسانە و هەموو ژی ب دلسوزی و ب خوەبەخش هاتینە و ل دووڤ شیان و جۆرێن چەكی دێ قەستا جهێن شەڕی كەن و بارا پتر ب ترۆمبێلین خوە هاتینەیێن دی ژی مە پارە یێن پەیداكرین و مە ترۆمبێلێن بۆ گرتی.
دیسان (محەممەد موحسین) گوت: مەژی ب فەر دیت و بریار دا كو ئەم نە ل مال بین بەلكو بچینە نێزیك سەركردایەتیا لەشكەری وەكو هێزەكایەدەك بۆ هەر جهەكی د ئامادەبین و ئەركەكی بدەنە مە د ئامادە بین ، ئەم پتر ژ 600 خوبەخشاینە كو یێن چوین وەكو یەدەك بو پشتەڤانیا برایێن خو یێن پێشمەرگە و گوت ژی: من باوەریەكا مەزن دناڤڤان پێشمەرگێن قارەماندا دیت چونكە كومەكا مەزن ژ ڤان خوبەخشا خودان سەربوریەكا باش و شارەزایەكا شەراندا هەیە و ئەو گەنجێن دیتر ژی ببیر و باوەرێن پیلایی مە دناڤدا دیتن كو ئەو ئازادیا ئەو تێدا دژین دئامادەنە بو خو گوریكرنێ د رێیا پاراستنا خاكا كوردستانێ دا.
دلدار ئیبراهیم
