كەمپینەك ل دینارتێ هاتە راگەهاندن... ب سەدان ژ خەلكێ دەڤەرێ ناڤێن خۆ تومار كرن
دینارتە-KDP.info- ل ژێر دروشمێ بۆ پشتەڤانیا سەرۆك بارزانی و پاراستنا كوردستانێ ئەم هەمی پێشمەرگەینە، ب سەدان ژ خەلكێ دەڤەرێ ب هەمی تەخ و چین ڤە ل دووڤ بانگەوازیا سەرۆك بارزانی هاتن و ناڤێن خۆ توماركرن.
ل دینارتێ كەمپینەك هاتەدانان، ل دۆر ڤێ چەندێ غیاس خالد ئەندامێ لیژنا سەرپەرشتا كەمپینێ بۆ kdp.info گۆت: ئەم وەكێ گرۆپێ گەنجێن گەنجێن خۆبەخش ل دینارتێ ئەم رابووین ب دانانا كەمپینەكێ بۆ پشتەڤانیا سەرۆك بارزانی و پاراستنا كوردستانێ و ئەڤ كەمپینە بۆ ماوەیی 2 رۆژا ڤەكێشێت.
غیاس خالد هەروسا گۆت: "مەبەست ئەوە پشتەڤانیا خەلكێ دەڤەرێ بۆ پەیاما سەرۆك بارزانی و پێشمەرگەیێن سنورێ كوردستانێ دپارێزن دیار بكەین و، ئەڤێ چەندێ ب ئەركێ خۆ یێ نەتەوەیی دزانین و، دڤێ كەمپینێ دا هەرزوو ب هەستەكا بلند ب سەدان ژ خەلكێ دەڤەرێ ب هەمی تەخ و چین ڤە ل دووڤ بانگەوازیا سەرۆك بارزانی هاتن و ناڤێن خۆ توماركرن وسو پاس بۆ هەمی كەس ولایەنێن هاریكار."
ساڵح محەممەد تەیرۆ
