90 ئەندامی پەرلەمان متمانەیان بە نێچێرڤان بارزانی دا

هەولێر-KDP.info-  کەمێک لەمەوبەر و لە پەرلەمانی کوردستان متمانەدان بە کابینەی هەشتەمی هەرێمی کوردستان و سەرۆکوەزیران و جێگرەکەی خرنە دەنگدانەوە و تێیدا، نێچێرڤان بارزانی بۆ سەرۆکایەتیکردنی کابینەی هەشتەمی حکوومەتی هەرێمی کوردستان، بە دەنگی 90 پەرلەمانتار کە دەکاتە زۆرینەی ڕێژەی پەرلەمانتاران، متمانەی پێ درا.

هاوکات قوباد تاڵەبانی بە بەدەستهێنانی 92 دەنگ متمانەی بوون بە جێگری سەرۆکوەزیرانی بەدەست هێنا. دواتر هەریەک لە وەزیرەکان خرانە دەنگدانەوە.

شیاوی باسە پرۆسەی دەنگدان بۆ متمانەدان بە سەرۆک و جێگر و وەزیرەکان بە شێوەیەکی ئاشکرا بوو.

پاش بەڕێوەچوونی پرۆسەی متمانەدان، سوێندخواردنی سەرۆکوەزیرانی حکوومەتی هەرێم و جێگرەکەی و وەزیرەکانی کابینەی هەشتەم بەڕێوە برا.

ژمارەی دەنگدان بە وەزیرەکانی کابینەی هەشتەم بەمشێوەیە بوو:

سینان چەلەبی، وەزیری داد 79 دەنگی بەڵێ، 3 دەنگی نەخێر
مستەفا سەید قادر، وەزیری پێشمەرگە 78 دەنگی بەڵێ، 6 دەگی نەخێر
كەریم شنگالی، وەزیری ناوخۆ، 87 دەنگی بەڵێ، 4 دەنگی نەخێر
رێباز محەممەد، وەزیری دارایی و ئابووری 86 دەنگی بەڵێ، 6 دەنگی نەخێر
ئاشتی هەورامی، وەزیری سامانە سرووشتییەكان 83 دەنگی بەڵێ، 3 دەنگی نەخێر.
رێكەوت حەمەڕەشید، وەزیری تەندروستی 83 دەنگی بەڵێ، 3 دەنگی نەخێر
پشتیوان سادق، وەزیری پەروەردە، 89 دەنگی بەڵێ، 3 دەنگی نەخێر.
دەرباز كۆسرەت رەسوڵ، وەزیری ئاوەدانكردنەوەو نیشتەجێكردن، 90 دەنگی بەڵێ، 3 دەنگی نەخێر
نەورۆز مەولوود، وەزیری شارەوانی و گەشتوگوزار، 89 دەنگی بەڵێ ، 3 دەنگی نەخێر
یوسف محەممەد، وەزیری خوێندنی باڵاو توێژینەوەی زانستی، 92 دەنگی بەڵێ، 3 دەنگی نەخێر
عەلی سندی، وەزیری پلاندانان،  90 دەنگی بەڵێ، 3 دەنگی نەخێر
محەممەد قادر، وەزیری كارو كاروباری كۆمەڵایەتی 95 دەنگی بەڵێ، 3 دەنگی نەخێر
خالید دۆسكی، وەزیری رۆشنبیری، 90 دەنگی بەڵێ، 3 دەنگی نەخێر
مەحموود ساڵح، وەزیری شەهیدان و ئەنفالكراوان، 92 دەنگی بەڵێ، 3 دەنگی نەخێر
عەبدولستار مەجید، وەزیری كشتوكاڵ و سەرچاوەكانی ئاو، 90 دەنگی بەڵێ، 3 دەنگی نەخێر
ساماڵ سەردار، وەزیری بازرگانی، 78 دەنگی بەڵێ، 5 دەنگی نەخێر
جۆنسۆن سیاوەش، وەزیری گواستنەوەو گەیاندن 84 دەنگی بەڵێ، 5 دەنگی نەخێر
كەمال موسلیم، وەزیری ئەوقاف و كاروباری ئاینی، 74 دەنگی بەڵێ، 5 دەنگی نەخێر
سەڵاحەدین بابەكر، وەزیری كارەبا، 82 دەنگی بەڵێ، 4 دەنگی نەخێر
مەولوود باوەمرا، وەزیری هەرێم 90 دەنگی بەڵێ، 3 دەنگی نەخێر
عەبدولرەحمان عەبدولرەحیم، وەزیری هەرێم 88 دەنگی بەڵێ، 3 دەنگی نەخێر