ئەو خاڵانەی پەرلەمان دەیانخاتە بەر باس
هەولێر-KDP.info- لە دانیشتنى یەکشەمەى داهاتوودا پەرلەمانى کوردستان تاوتۆوى بارى ئەمنیى ناوچە کوردستانییەکانی دەرەوەی هەرێمی کوردستان و خستنەڕوو و گفتوگۆکردن لەسەر چەند پڕۆژەیاسایەک دەکات.
بەپێى زانیارییەکانىKDP.info بەرنامەى کارى دانیشتنى یەکشەممەى پەرلەمان ئەم خاڵانەى خوارەوەش لەخۆ دەگرێت:
- خستنەڕوو و گفتوگۆکردن لەسەر پڕۆژەیاساى (درێژکردنەوەى یاساى بەرەنگاربوونەوەى تیرۆر) لەگەڵ راپۆرتى هاوبەشى لیژنە پەیوەندیدارەکانى پەرلەمانى کوردستان بەپێى ماددەى (72، 74، 75) لە پەیڕەوى ناوخۆى پەرلەمانى کوردستان.
- بڕیاردان لەسەر وازهێنان و دانانى ئەندامانى لیژنە هەمیشەییەکانى پەرلەمانى کوردستان بەپێى ماددەى (44) لە پەیڕەوى ناوخۆى پەرلەمان.
ـ پێکهێنانى (3) لیژنەى هەمیشەیى نوێى پەرلەمان بەپێى ماددەى (39) لە پەیڕەوى ناوخۆى پەرلەمانى کوردستان.
ـ پێکهێنانى لیژنەیەکى کاتى بۆ پێداچوونەوە بە پەیڕەوى ناوخۆى پەرلەمانى کوردستان، بەپێى ماددەى (47) لە پەیڕەوى ناوخۆى پەرلەمان و لەسەر داواى ژمارەی یاسایى ئەندامانى پەرلەمان.
- قبووڵکردنى داواکاریى دەستلەکارکێشانەوەى پەرلەمانتار (نوورى حەمەعەلى) لە فراکسیونى زەرد بەپێى ماددەى (33، 35) لە پەیڕەوى ناوخۆى پەرلەمان.
