ته‌مه‌ر ره‌مه‌زان: مه‌ترسی لسه‌ر دهۆكێ نینه... سێ كه‌مپ دێ بۆ ئاواره‌یێن مووسلێ هێنه ئاڤاكرن
دهوك-KDP.info- پارێزگه‌رێ دهۆكێ، ته‌مه‌ر ره‌مه‌زان د پرێسكۆنفرانسه‌كی دا راگه‌هاند، دێ سێ كه‌مپ بۆ ئاواره‌یێن ژ مووسلێ هاتین هێنه دروستكرن و، دێ ل باعه‌درێ ژی ب زووترین ده‌م كه‌مپه‌ك هێته دانان و دوپاتی ل سه‌ر ئارامییا ره‌وشا پارێزگه‌ها دهۆكێ كر و گۆت: "بلا وه‌لاتیێن پارێزگه‌ها دهۆكێ د پشت راستبن و چو مه‌ترسی لسه‌ر دهۆكێ نینه."
ئەڤرٶ سێشەمبێ، پارێزگه‌هی دهوكی ئه‌و چه‌ند ژی دیاركر "نها ئه‌م یێ ئاماه‌كاریا دكه‌ین كو پێشوازیا سەرجه‌م ئاوه‌ره‌یێن مووسل بكه‌ین ، له‌وما مه بریار دایه كو ئه‌گه‌ر پێدڤی كر دێ 3 كه‌مپ بهێنه ئاڤاكرن داكو چ ئاواره نه مینه كولانا وهاریكارییێن حكومه‌تا هه‌ریما بگه‌هنه هه‌می ئاواره‌یان".
ته‌مه‌ر ره‌مه‌زان ئاشکه‌را ژی كر، "ده‌رگه‌هێ هه‌می مزگه‌فت و قوتابخانه ین دهوكی یێ ڤه‌كرینه بو ئاواره‌یان لێ دیاركر ژی كو بێدڤیی یه ده‌زگه‌هیێن ئه‌وله‌هیێ ئیجرائاتێن خوه وه‌ربگرن داكو چ حاله‌تێن نه‌خازیار لدهوكێ رووی نه‌ده‌ن ئاماژه‌كره هندی ژی كو وه‌لاتیێن پارێزگه‌ها دهۆكێ د پشت راستبن و چو مه‌ترسی لسه‌ر دهۆكێ نینه."
دلدار ئیبراهیم
