هێزی پێشمەرگە ئامادەیی تەواویان بۆ پاراستنی كوردەكان وەرگرتووە
مووسڵ - KDP.info- دوای ئەوەی شەوی ڕابردوو زۆربەی جومگە سەرەكییەكانی شاری مووسڵ كەوتنە دەست چەكدارەكانی دەوڵەتی ئیسلامی لە عێراق و شام (داعش)، هێزی پێشمەرگەی كوردستان لە ئامادەباشییەكی تەواودان و ئێستا لە تلكێفن.
سەرۆكی ئەنجوومەنی پارێزگای مووسڵ بەشار كیكی، بە kdp.infoـی ڕاگەیاند: "لە ئێستادا هێزی پێشمەرگە بەرەو ناوچە كوردستانییەكان بە ڕێ كەوتوون و بەشێك لە هێزی پێشمەرگەیش ئێستا لە تكلێفـن." پشتڕاستیشی كردەوە كە بینای پارێزگای مووسڵ لە دەست چەكدارانی داعشدایە و هێزەكانی سوپای عێراقیش دەستەوەستانن.
كیكی گوتیشی: "هێزی پێشمەرگە لە سەرجەم ئەو ناوچانەی كوردی ئێزدی لێیە جێگیر كراون و ئامادەیی تەواویان بۆ پاراستنی كوردە ئێزدییەكان وەرگرتووە."
ژیوار
