کوردێن ئێزدی بزاڤێن سەرۆکێ هەرێمی ژبۆ ئێکرێزیا کوردان بلند دنرخینن
دهۆک-KDP.info- کوردێن ئێزدی ددەنە خویاکرن، بزاڤێن سەرۆکێ هەرێما کوردستانێ، بزاڤێن هەری باشن ژبۆ ئێکرێزییا ئالیێن سیاسیی یێن کوردستانێ، و دبێژن، ئێکرێزیا کوردان دێ بیتە کلیلا چارەسەریا پرسێن هەلاویستێێن ئێزدیان.
ب مەبەستا ئیکدەنگییا ئالیێن کوردستانی سەرۆکێ هەرێما کوردستانێ نێچیرڤان بارزانی ل رۆژا (٢٦ و ٢٧-١١-٢٠١٩) سەرەدانا بزاڤا گۆران و ئێکەتی و کۆمەڵ و ئێکگرتووێ کر، مەبەست ژ سەرەدانێ ژبۆ بیرورا گهۆڕین و ئیکگۆتاری و ئێکهەلویستیا سیاسی یا کوردی بوو بەرامبەر چەندین پرسان.
د ڤی بیاڤی دا، کەریم سلێمان، شێورمەندێ جڤاتا رۆحانیا ئێزدییان، ددەتە خویاکرن، ڕەوشا نها ئیراق تێدا دەرباز دبیت ڕەوشەکا نازک و هەستارە و ژبۆ هەر قۆناغەکێ پێدڤییە کورد دئامادەباشییا سیاسییدابن، چونکە نە ئێکرێزیا کوردان دێ بیتە ئەگەر دەستکەفتێن سیاسیێن کوردان بکەڤنە دبن گەفان.
ناڤهاتی، بۆ ماڵپەرێ فەرمیی یێ پارتی دیموکراتی کوردستان دبێژیت، نها ڕەوشا ئیراقێ ژ بەر پێلێن خۆنیشاندەران بەرەڤ پێشەرۆژەکا مەترسیدار دچت، نها چەندین پرس ل ئیراقێ کەفتینە ڕۆژەڤێ مینا هەمووارا دەستووری و دانانا یاساییەکا نوی ژبۆ کۆمیسۆنێ ئەڤە ژی پرسێن گرنگن، و بزاڤ و جمووجۆلێن سەرۆکێ هەرێمێ ژبۆ رێکخستنا ناڤمالیا کوردی گرنگە، ئەڤجا ئالیێن پشکداری حکومەتی بن یان ژی نە، بەلێ گرنگی هەموو بەرەیەکی کوردستانیە ئیکهەلویستی و ئێکگۆتیارییا سیاسییا کوردییە بەرامبەر بەغدایێ،ئەڤ بزاڤنە بۆمە ئێزدییان ژی دگرنگن، ژبەرکوو نافچەیێن ئێزدییان ژی پرسێن گرنگن و ب تایبەت شنگال کو ببیتە ڕۆژەڤا چارەسەریێ دناڤبەرا بەغدا و هەولێرێ.
هەروەسان، سعود مستۆ، چالاکڤان و مافپەروەرەکی ئێزدییە، ددەتە خویاکرن، بزاڤێن سەرۆکێ هەرێما کوردستانێ نیچێرڤان بارزانی ژبۆ ئیکگۆتارییا سیاسی ل کوردستانێ گەلەک گرنگن، و ب تایبەت ئەم ئێزدی ژی چاڤەرێ وێ یەکێ نە کو نافچەیێن ئێزدییان و بتایبەت شنگال رەوشا وێ بەرەڤ باشتر بچیت.
مستۆ، بۆ ماڵپەرێ فەرمیی پارتی دیموکراتی کوردستان دیارکر، بەریا چەند رۆژان فالح فەیاز و سەرۆکێ حکومەتا هەرێمێ مەسروور بارزانی ددەربارەی پرسا شنگالێ دا ڕاگەهاندن کو دێ گەهنە هندەک ئەنجامان، و هەلبەت هەردەمێ کورد ئێکدەنگ بووینە، دەست ڤاڵا نەهاتینە.و مفاداربووینە، و هیڤیدارین نیەتا لایەنێن سیاسی یێ دی دپاکبن، ژبۆ ئێکرێزیا کوردان، ئێزدی ژی مفادارن.
ژ ئالییەکی دی ڤە، جەعفەر سمۆ، چالاکڤان و ڕاگەهاندنکار بۆ ماڵپەرێ فەرمیی پارتی دیموکراتی کوردستان زەلالکر، کو نها ل ئیراقێ ئێزدیان کێشەیێن هەرە مەزن هەینە، و پیدڤی ب چارەسەرییەکە بلەزن ژبەکوو رەوشا ئێزدییان نها پر نەخۆشە.
گوتژی:'' ئەم دێ باوەریێداینە کو ئێکرێزیا کوردان دێ بیتە کلیلا چارەسەرییا کێشەیێن مە، و ب هیڤینە کو ئەو پرسێن هەلاویستی و ئالۆز ببنە بابەتێن چارەسەریێ دناڤبەرا ئیراق و هەرێمێ دا، و مە ئەو هیڤیە هەیە کو سەرۆکێ هەرێمێ بزاڤێن جددی ددەت کو پرسێن ئێزدییان چارەسەر بن.
کــاروان بــاعەدری
