ئەمساڵ ٢٤٥ مۆڵەتی وەبەرهێنان لە دهۆک دراون
__2019_11_25_h16m1s0__ER.jpg)
دهۆک-KDP.info- بەڕێوەبەری گشتیی وەبەرهێنانی پارێزگای دهۆک ڕایگەیاند، ئێستا ئەوان لەگەڵ یەکە ئیدارییەکانی پارێزگا لە هەوڵی کۆکردنەوەی داتادان بۆ پلانی ٤ ساڵی و ١٠ ساڵی بۆ یەکەی دروستکردنی پرۆژەی وەبەرهێنان لە قەزا و ناحییەکان.
کوردۆ ئیحسان، بە ماڵپەڕی فەرمیی پارتی دیموکراتی کوردستانی گوت: "حکوومەتی ئێستا دەیەوێ بزانێت وەبەرهێنان لە کۆی پێویستە، بۆیەش لەگەڵ هەموو یەکە ئێدارییەکانی کۆ دەبینەوە بۆ ئەوەی بزانین لە کۆی وەبەرهێنان بکەین و پلانی خۆمان ئامادە بکەین بۆ جێبەجێكردنی ئەو پرۆژانە."
ناوبراو گوتیشی: "٢٤٥ مۆڵەتی وەبەرهێنان دراوەتە وەبەرهێنارەکان و پلانی حکوومەت ئەوەیە کە گرنگیی زیاتر بە وەبەرهێنانی گەشتوگوزار و پێشەسازی بدات. ئێستا حکوومەت لە هەوڵی جددیدایە بۆ وەبەرهێنانی سەرتاسەری و بەدڵنیاییەوە وەبەرەهێنان لە کوردستان گەشە دەکات."
کــاروان بـاعەدری
