سەرۆك بارزانی پێشوازیی لە هونەرمەند محەمەد ئەحمەد ئەربیلی كرد
هەولێر-KDP.info- سەرۆك مەسعوود بارزانی، ئەمڕۆ پێنجشەممە ٢٦/٩/٢٠١٩ لە سەڵاحەددین، پێشوازی لە هونەرمەندی ناسراوی شاری هەولێر محەمەد ئەحمەد ئەربیلی كرد و، سوپاس و پێزانینی ئاڕاستە كرد، كە بە درێژایی تەمەنی خۆی خزمەتی هونەری كردووە.
لە دیدارەكەدا، سەرۆك بارزانی سوپاس و پێزانینی خۆی ئاراستەی هونەرمەند محەمەد ئەحمەد ئەربیلی كرد، كە بە درێژایی تەمەنی خۆی خزمەتی هونەری كردووە و، جێگەی دەستی لە گەشەی كولتوور و هونەری شاری هەولێر و كوردستاندا دیارە و، نیشتمانپەروەرانە لە رێگەی هونەرەكەیەوە خزمەتی وڵاتی خۆی كردووە.
هەروەها سەرۆك بارزانی لە باری تەندروستی و ژیانی "ئەربیلی" پرسی و، هیوای ساغی و تەمەندرێژیی بۆ خواست.
