پەیامی پیرۆزبایی دەزگای رۆشنبیریی و راگەیاندنی پارتی دیموكراتی كوردستان بۆ كەناڵی تەلەفزیۆنی قەڵات

هەولێر-KDP.info- دەزگای رۆشنبیریی و راگەیاندنی پارتی دیموكراتی كوردستان بە بۆنەی (١٢)ھەمین ساڵیادی دامەزراندنی(کەناڵی تەلەفزیۆنی قەڵات) له‌ په‌یامێكدا پیرۆزبایى له‌ بەڕێوەبەر و ھەڤاڵانی ئەنجوومەنی بەڕێوەبردن و کادیر و كارمەند و بینه‌رانى کەناڵی تەلەفزیۆنی قەڵات ده‌كات. 

ئه‌مه‌ش ده‌قى په‌یامه‌كه‌یه‌:

 

بەڕێزان/  بەڕێوەبەر و ھەڤاڵانی ئەنجوومەنی بەڕێوەبردن و کادیر و كارمەندانی كەناڵی تەلەفزیۆنی قەڵات..

 بەبۆنەی (١٢)ھەمین ساڵیادی دامەزراندنی(کەناڵی تەلەفزیۆنی قەڵات) گەرمترین پیرۆزبایی خۆمان ئاراستەی ئێوەی بەڕێز و بینەرانی کەناڵە ئازیزەکەتان دەكەین و، هیوادارین هەردەم لە كار وچالاكیەكانتان بەردەوام بن و لەرێی بەرنامەكانتانەوە خزمەتی زیاترو بەرچاوتری بواری رۆشنبیریی  و راگەیاندن و  كوولتوریی  بكەن. 

رۆڵی راگەیاندن بەگشتی و میدیای بینراو بەتایبەتی گرنگ و بەرچاوە، بۆیە پێویستە و ئەركی سەرشانی راگەیاندنكارانە لە ئاست ئەو بەرپرسیاریەتیە دابن و لەخۆبردووانە و بوێرانە ئەو ئەركە پیرۆزە بەجێبگەیەنین. 

لەم بۆنەیەدا، خوازیارین زیاتر و لە گشت روویەكەوە بەرەو پێش بچن و شانبەشانی كەناڵەكانی دیكەی میدیایی، لەخزمەت كێشەرەواكانمان و داواكاریی و خواست و داواکاریەکانی هاووڵاتیان دابن، وەکو ھەمیشەش جەخت لەسەر پاڵپشتی و پشتیوانی تەواوی خۆمان بۆ كەناڵی تەلەفزیۆنی قەڵات دەكەینەوە و هیوای پێشكەوتن و سەركەوتنی زیاتر لە چالاكیی و كارەكانتان بۆ دەخوازین و ھەر سەرکەوتووبن...

 

دەزگای رۆژشنبیریی و راگەیاندنی

 پارتی دیموكراتی كوردستان

        16/8/2019