مەكتەبی سیاسی پارتی دیموكراتی كوردستان ساڵیادی دامەزراندنی حزبی سۆسیالیست دیموكراتی كوردستان پیرۆزدەکات

هەولێر-KDP.info-مەكتەبی سیاسی پارتی دیموكراتی كوردستان ساڵیادی دامەزراندن حزبی سۆسیالیست دیموكراتی كوردستان پیرۆزدەکات .

 

پەیامی پیرۆزبایی مەكتەبی سیاسی پارتی دیموكراتی كوردستان

بەبۆنەی ساڵیادی دامەزراندنی حزبی سۆسیالیست دیموكراتی كوردستان

 

 

بەڕێز / محەمەدی حاجی مەحموود سكرتێری گشتی حزبی سۆسیالیست دیموكراتی كوردستان

 

بەڕێزان/ ئەندامانی مەكتەبی سیاسی و سەركردایەتی لە حزبی سۆسیال دیموكراتی كوردستان

 

بەبۆنەی ساڵیادی دامەزراندنی حزبە خەباتگێڕەكەتان پیرۆزباییەكی گەرمی تێكۆشان و نەسرەوتن لە ئێوەی بەڕێز و كادیر و ئەندام و لایەنگرانتان دەكەین، ئومێدەوارین هەردەم بەردەوام و زیاتر بەرەو پێش بچێت لەپێناو بەدیهێنانی مافە رەواكانی گەلەكەمان.

 

 نكوڵی لە رۆڵی گرنگی حزبەكەتان لە كاروانی خەباتی گەلەكەمان ناكرێ بۆ بەدەستهاتنی دەسكەوتەكان و گەیشتن بە ئامانجەكانمان، بۆ لەمەودوایش زیاتر پێویستیمان بە هەماهەنگیی و یەكدەنگی هەیە بۆ پتەوتركردنی قەوارەی ھەرێمی کوردستان و بنەماكانی ئازادی و دیموكراسی.

 

وێڕای پیرۆزبایی گەرممان، وەکو ھەمیشە خەبات و قوربانیەکانی حزبە تێکۆشەرەکەتان بەرز دەنرخێنین و،  هیوادارین بە هەموو لایەك هەوڵ بدەین كێشەوگیروگرفتەكان چارەسەر بكەین و ئایندەیەكی رۆشنتروگەشتر بۆ رۆڵەكانی گەلەكەمان دەستبەر بكەین.

 

هەر سەرفراز و سەركەوتوو بن ....

 

مەكتەبی سیاسی

 پارتی دیموكراتی كوردستان

8/8/2019