شەشۆ: پێشمەرگە و خۆبەخشەکان گورزێکی گەورەیان لە داعش وەشاند
شنگال-KDP.info- فەرماندەی فەرماندەییی پێشمەرگەی شنگال ڕایگەیاند، توانیویانە هەموو پلانەکانی داعش بۆ سەر شنگال پووچەڵ بکەنەوە و هەمووشیان لەنێو ببەن.
قاسم شەشۆ، بە ماڵپەڕی فەرمیی پارتی دیموکراتی کوردستانی گوت: "ئەمڕۆ (٢٤-٧-٢٠١٩) شانە نووستووەکانی داعش لە چەند ڕوویەکەوە لە دەوروبەری شنگال هێرشی کردەوە، بەڵام لە لایەن پێشمەرگە و خۆبەخشانی ئێزدییەوە هەموویان لەنێو بردران."
قاسم شەشۆ گوتیشی: "لە هێرشەکەدا ٨ داعش کوژراون و ئێستاش ئۆپەراسیۆنیکمان دەست پێ کردووە لە دژیان و بەردەوام دەبین و ڕێگە نادەین جارێکی تر خەڵکی شنگال بکرێتە قوربانیی داعش."
قاسم شەشۆ دەشڵێ: "شانە نووستووەکان لە دەوربەری شنگال هەن و سنووری سووریا و باشووری شنگال بووەتە مۆڵگەی داعش، ئەمەش مەترسییەکی گەورەیە."
کــاروان بــاعەدری
