دھۆك.. رۆژانە نزیكەی ١٨سەعات كارەبا بۆ ھاووڵاتیان دابین دەكرێت

 

دھۆك-KDP.info- جێگری بەڕێوەبەری گشتیی كارەبای دھۆك گوتی، دوای ئەوەی حكوومەتی ھەرێمی كوردستان كێشەی كارەبای پارێزگای دھۆكی چارە كرد، لە ئێستادا دۆخی كارەبای نشیتمانی لە سنووری ئەو پارێزگایە باشە و رۆژانە نزیكەی ١٨سەعات كارەبای نیشتیمانی بۆ ھاووڵاتیان دابین دەكرێت.

 

ئیبراھیم ئەحمەد، بە ماڵپەڕی فەرمیی پارتی دیموكراتی كوردستانی ڕاگەیاند: "دوای ئەوەی حكوومەتی ھەرێمی كوردستان گازی پێویستی بۆ ئێمە دابین كرد، لە ئێستادا دۆخی كارەبای نیشتیمانی بەراورد بە رابردوو باشتر بووە و كارەبای زیاتر بۆ ھاونیشتیمانیان دابین دەكرێت، چونكە پێشتر وێستگەی كارەبای كاشێ ٥٥مێگاواتی بەرھەم دەھێنا و ئێستا بۆ نزیكەی ١٦٠مێگاوات كارەبا زیاد بووە، داواكاریی ئێمەش لە حكوومەت ئەوە بوو، كە بۆ وەرزی ھاوین گازی زیاترمان بۆ دابین بكەن و ئەوانیش داواكارییەكەیان جێبەجێ كرد".

 

ئەحمەد گوتیشی: "مەبەستی ئێمە لەو كارە ئەوە بوو، كە سەعاتی كارەبای مۆلیدە كەم ببێتەوە و كارەبای نیشتمانی زیاد ببێت، بۆیە بە شێوەیەكی گشتی لە ئێستادا لە سنووری دھۆك رۆژانە نزیكەی ١٨سەعات كارەبای نیشتیمانی بۆ ھاووڵاتیان دابین دەكرێت، ئەمەش بەراورد بە رابردوو باشترە".

 

بڵند ئیبراھیم