میسال ئالووسی بۆ KDP: متمانەمان بە مەسروور بارزانی هەیەو سەرکەوتوو دەبێ
بەغدا-KDP.info- سەرۆکی حزبی ئووممەی عێراقى رایگەیاند، ئێمە متمانەی تەواومان بە مەسروور بارزانی هەیە سەرکەوتوو دەبێت لە کارەکانی دا.
ئەمڕۆ چوارشەممە 10/07/2019، پەرلەمانی کوردستان متمانەی بە کابینەی نۆیەمی حکوومەتی هەرێمی کوردستان بە سەرۆکایەتیی مەسرور بارزانی بەخشی.
میسال ئالووسی لە لێدوانێکی تایبەتی ماڵپەری فەرمیی پارتی دیموکراتی کوردستان گوتی:'' دەزانین مەسروور بارزانی جێگایی متمانەی خەلکە و دەبێتە هۆکار، خزمەتی خەلکی شایستە و بەرێزی کوردستان بکرێت، بۆیەش متمانەمان پییەتی و دەتوانێ سەرکەوتووبێ.
گوتیشی:''هیوادارم حکومەتی نوێ بە سەرۆکایەتی مەسروور بارزانی ببێتە هۆکاری خۆشگوزەرانی و ئازادی و ئاشتی سەرتاسەری لە نێوان هەموو لایەنەکان دا.
کـــاروان بــاعەدری
