دهۆکیان هیڤیێن مەزن ب کابینا نوی یا حکومەتێ هەینە

دهۆک-KDP.info- چالاکڤان و هەڤوەڵاتیێن پارێزگەها دهۆکێ دبێژن، مە باوەری هەیە کابینا نووی یا حکومەتا هەرێما کوردستانێ دێ بیتە ئەگەر کو ژین و ژیارا خەلکێ کوردستانێ و ب تایبەت پارێزگەها دهۆکێ باشتر بیت.

ئەڤرۆ، چارشەمبى، (١٠-٧-٢٠١٩)ـێ، پەرلەمانی کوردستانێ باوەری ب کابینەیا نوی یا حکومەتا هەرێما کوردستانێ ب سەرۆکاتیا مەسروور بارزانی دا.

هەر دڤی بیاڤی ژی دا خەلەف شەرەفانی چالاکڤانێ سیاسی، ددەتە خویاکرن، ژ سەربۆر و دیرۆکا پر سەروەریا مەسروور بارزانی دیارە کو دێ بیتە ئەگەر کو شەفافیەت د هەمی بیاڤێن وەڵاتی دا هێتە کرن، و گۆتارا مەسروور بارزانی باشترین بەلگەیە کو دێ بیتە ئەگەر خەلکێ باوری ب حکومەتا نوی هەبیت.

شەرەفانی بۆ ماڵپەرێ فەرمیی یێ پارتی دیموکراتی کوردستان دبێژیت، ژبەرکو ئەڤ حکومەتە یا فرە ئایین و فرە نەتەوەیە، دێ بیتە هۆکار جیهانا ژ دەرڤە ژی ب چاڤەکی مەزن تەماشەی حکومەتا نوی بکەت.

ژ ئالییەکی دی ڤە، مللەت عسمەت چالاکڤان، بۆ ماڵپەرێ فەرمیی یێ پارتی دیموکراتی کوردستان دبێژیت، نها چەندین پرۆژە ل دهۆکێ هەلاویستی ماینە، مە باوریی ب مەسروور بارزانی هەیە، کو ئەڤان پرۆژەیان جێ بە جێ بکەت.

ناڤهاتی دیارژی کر، بجیهئینانا ڤان پرۆژان دێ بیتە هۆکار بۆ ڤەژاندنا هەموو بیاڤان ل سەرانسەری کوردستانێ و دێ بیتە پاڵپشت  بۆ ئابوورییەکا بهێز د کوردستانەکا بهێز دا.

هەروەسان مەسعوود محەمەد، ژی هاوڵاتییەکی دی یێ پاریزگەها دهۆکێ یە، دبێژیت، هیڤیدارین ژ مەسروور بارزانی خزمەتا زێدەتر یا گەنج و لاوان بکەت ژبەرکو ئەو بڕبرا پشتا وەڵاتانە.

ئەو بۆ ماڵپەرێ فەرمیی یێ پارتی دبێژیت :'' ئێکگرتنا لایەنان  ژبۆ کو هەموو ئالی پێکڤە خزمەتا گەل و وەڵاتێ خۆ بکەت پێنگاڤەکا باشە و هەروەسان ئۆپۆزسیۆن ژی چاڤدیڕیەکا باش بکەت،  دێ وەڵاتێ مە ژ هەموو  ئالییەکی ڤە پێشکەڤیت.

كــاروان بــــاعەدری