سه‌رۆكی هه‌رێمی كوردستان پیرۆزبایی له قوباد تاڵه‌بانی ده‌كات
هەولێر-KDP.info- به‌ڕێز نێچیرڤان بارزانی سه‌رۆكی هه‌رێمی كوردستان له په‌یامێكدا پیرۆزبایى له به‌ڕێز قوباد تاڵه‌بانی جێگری سه‌رۆك وه‌زیرانى هه‌رێمى كوردستان كرد بۆ به‌ده‌ستهێنانی متمانه‌ی په‌رله‌مانی كوردستان، ئه‌مه ده‌قی په‌یامه‌كه‌یه:
بەڕێز قوباد تاڵەبانی،
جێگری سەرۆك وەزیرانی هەرێمی كوردستان
سڵاو و ڕێز..
بەبۆنەی متمانەوەرگرتنی بەڕێزتان وەك جێگری سەرۆك وەزیرانی كابینەی نۆیەمی حكوومەتی هەرێمی كوردستان لەلایەن پەرلەمانی كوردستانەوە، بەگەرمی پیرۆزباییتان لێدەكەم. هیوای سەركەوتن بۆ ئێوە و كابینەی نۆیەمی حكوومەتی هەرێمی كوردستان دەخوازم.
خۆشحاڵ بووم كە ماوەی چەند ساڵی ڕابردوو لە حكوومەتی هەرێمی كوردستان پێكەوە كارمان كرد. دڵنیام وەك هەمیشە دڵسۆزانە و بە هەستی بەرپرسیاریه‌تییەوە، خزمەتی كوردستان دەكەن و ئەرك و كارەكانتان جێبەجێ دەكەن.
وەك سەرۆكی هەرێمی كوردستان، بەردەوام دەبم لە پشتیوانی و هاوكاریكردنتان بۆ سەركەوتنی كارەكانتان لە كابینەی نوێدا.
نێچیرڤان بارزانی
سەرۆكی هەرێمی كوردستان
10/7/2019
