پارێزگەها دهۆکێ و حکومەتا ئەڵمانیا پرۆتۆکۆلەک ئێمزاکر

دهۆک-KDP.info- ڕاگەهاندنا پارێزگەها دهۆکێ دیارکر، فه‌رهاد ئه‌مین ئه‌ترووشی پارێزگه‌رێ‌ دهۆكێ‌ ئه‌ڤرۆ 22\6\2019 پرۆتۆكۆله‌ك ل وه‌لاتێ‌ ئه‌لمانیا ل گه‌ل تۆماس كوفن پارێزگه‌رێ‌ پارێزگه‌ها ئیسن یا ئه‌لمانی ئیمزا كر.

دنڤیسارەکا ڕاگەهاندنا پارێزگەها دهۆکێ هاتیە ژی، پرۆتۆكۆل د وارێ‌ خزمه‌تێن ساخله‌میێ‌ دا هاتیه‌ ئیمزا كرن و ئه‌ڤ پرۆتۆكۆله‌ پشتی سه‌ره‌دانا شانده‌كێ‌ ئه‌لمانی دهێت ل 6/17 ئه‌ڤ ساله‌ بۆ پارێزگه‌ها دهۆكێ‌.

ئەو یەکە ژی دیارکریە، وه‌لاتێ‌ ئه‌لمانیا هه‌رده‌م دوپات دكه‌ت كو ئه‌و دێ به‌رده‌وام هاریكار و پشته‌ڤان بن بو هه‌رێما كوردستانێ و ب تایبه‌ت پارێزگه‌ها دهوكێ چونكێ هژماره‌كا مه‌زن یا ئاواران وه‌رگرتیه‌.

ل پارێزگەها دهۆکێ ٢١ کەمپ هەنە ژ وانا ژی ١٧ کەمپ یێن ئاوارانە و ٤ ژی یێن پەنابەرانە، ١١٧ هەزار خێزان دناڤدا ژیانا خۆ دەرباز دکەن.

کــاروان بــاعەدری