پسپۆرەکی پێکهاتەیان: حکومەتا داهاتی دێ حکومەتا پێکهاتەیان ژی بیت
دهۆک-KDP.info- پسپۆرەکی پێکهاتەیان ددەتە دیارکرن، پێنگاڤێن مەسروور بارزانی بۆ پێکئینانا حکومەتێ ژبۆ سەرەدانا پێکهاتەیێن ئۆلی و نەتەوەیی دێ ببیتە ئەگەرەک کو حکومەتا هیڤی بەخش بیت بۆ هەموو پێکهاتەیان.
هەرێما کوردستانێ هەردەم گرنگی ب پێکڤەژیانا ئاینی و سیاسیی دایە، نها ژی گەڕین دانووستاندنان دبەردەوامن ژبۆ پێکئینانا حکومەتێ، و ئەڤرۆ شاندێ پێکئیانا حکومەتێ ب سەرۆکایەتیا مەسروور بارزانی راسپاردی بۆ پێکئێنانا حکومەتێ سەرەدانا پێکهاتەیان کر.
هەیسەم پترس، بۆ ماڵپەرێ فەرمیی یێ پارتی دیموکراتی کوردستان گۆت:'' نها فۆکسا دونیایی ل سەر هەرێما کوردستانێ یە، پێنگاڤێن مەسروور بارزانی بۆ سەرەدانا پێکهاتەیان دێ بیتە هۆکارەک کو دونیا ب چاڤەکی مەزن تەماشەی هەرێما کوردستانێ بکەت.
ناڤهاتی دیار ژی کر، ڕەوشا پێکهاتەیان پێدڤی ب باشترکرنێ یە، ژبەرهندێ ژی شاندێن وەلاتێن دنیایێ دێ ب گرنگی تەماشەی بەشداریا پێکهاتەیان کەن د حکومەتێ دا و دێ ئەگەرەک کو پێکهاتە ژی هەست ب هەبوونا خۆکەن د وەڵاتی دا.
کــاروان بــاعەدری
