ل دهۆکێ بەرهەڤى بۆ هەلبژارتنێن پەرلەمانێ کوردستانێ هاتینەکرن
دهۆک-KDP.info- جێگرێ رێڤەبەرێ گشتى یێ فەرمانگەها دهۆک یا هەلبژارتن و راپرسیا ل هەرێما کوردستانێ راگەهاند، ژمارا پشکداریا هەولاتیان ددەنگدانا گشتیدا دهەلبژارتنێن پەرلەمانێ کوردستانێ ل سنۆرێ پارێزگەها دهۆکێ 479،919 هزار کەسن، مافێ دەنگدەرێن رۆژا دەنگدانا تایبەت ل سنۆرێ پارێزگەها دهۆکێ (42455) هزار دەنگێن، دهەمان دەمدا هەر دەنگدەرەکى ل رۆژا دەنگدانێ دڤێت باجا نیشتمانى یان پاسەپورت یان ناسناما عیراقى دگەل بیت و هەر هەولاتیەکى ئەڤ بەلگە نەبن دشێت ناسنامەیا بابێ خۆ دگەل خو بەت ب مەرجەکێ ناڤێ دەنگدەرى یێ تومارکرى بیت ل کومسیونێ.
پشتى سەرۆکاتیا حکومەتا هەرێما کوردستانێ بریار دایى ل 30-9-2018ێ، هەلبژارتنێن پەرلەمانێ کوردستانێ بهێنە ئەنجامدان، کومسیونا بلندا هەلبژارتن و راپرسیا ل هەرێما کوردستانێ دەست بکارێ خۆیێ پێدڤى کر، سەلیم محەمەد ئەمین سیدەرى، جێگرێ رێڤەبەرێ گشتى یێ فەرمانگەها دهۆک یا هەلبژارتن و راپرسیا ل هەرێما کوردستانێ بۆ مالپەرێ فەرمیێ پارتى دیموکراتى کوردستان گۆت:" نیزکى هەیڤەک و حەفت رۆژایە مە بنگەهێن تایبەت بۆ تومارکرنا ناڤێن دەنگدارا دروستکر بوون و کار بۆ زانینا ژمارا پشکداریا خەلکێ دەڤەرێ هاتبوو کرن، کۆ کومسیون و دەزگەهێن میرى و جڤاتا وەزیران و پارتێن سیاسى ژى بڤى کارى رابووینە".
سەلیم محەمەد ئەمین سیدەرى بەحسکر، هەر هەولاتیەکێ ژیێ وى ژ 18 سالیێ و وێڤەتر مافێ دەنگدانێ هەیە و پێدڤیە ناڤێ خۆ ل کومسیونێ تومار کربیت، کۆ ژمارا پشکداریا هەولاتیان ل سنۆرێ پارێزگەها دهۆکێ گەهشتیە بەردەستێ مە 479،919 هزار کەسان مافێ دەنگدانێ ل هەلبژارتنێن پەرلەمانێ کوردستانێ لرۆژا 30/9/2018ێ، ل دەنگدانا گشتى هەیە، دەنگێن تایبەت ل سنۆرێ پارێزگەها دهۆکێ (42455) هزار دەنگدەرن، کۆ هێزێن پێشمەرگە و وەزارەتا نافخۆ و فەرمانبەرێن نەخوشخانەیان و زیندانى و فەرمانبەرێن زیندانان ل رێکەفتى 28/9/2018ێ مافێ دەنگدانێ هەیە".
سوباهى لرێکەفتى 5/9/ 2018ێ، دێ هەوا گشتیا هەلبژارتنان لسەرانسەرى کوردستانێ دەستپێکەت، سیدەرى ئاماژەدا:" 256 بنگەهێن دەنگدانێ ل رۆژا دەنگدانا گشتى دێ پێشوازیێ ل خەلکێ پارێزگەها دهۆکێ کەن، دەنگدانا تایبەت پترى 20 بنگەهانە، دهەمان دەمدا هەر دەنگدەرەکى دڤێت باجا نیشتمانى یان پاسەپورت یان ناسناما عیراقى دگەل بیت ل رۆژا دەنگدانێ و هەر هەولاتیەکى ئەڤ بەلگە نەبن دشێت ناسنامەیا بابێ خۆ دگەل خو بەت ب مەرجەکێ ناڤێ دەنگدەرى یێ تومارکرى بیت ل کومسیونێ، دیسان هەر لایەنەک یان کاندیدەکى سەرپێچیا رێنمایێن کومسیونێ بکەت لگۆر یاسایێ دێ سەرەدەرى دگەل ئێتەکرن".
هەلز عەلى سەلیم
