ئەنەکەسێ ئێرشێن ل سەر عەفرینێ پرۆتەستۆ کرن
قامشلۆ-KDP.info- سەرۆکا دەستەیا سیاسی یا ئەنەکەسێ گۆت:'' ئەنەکەسێ ل هەموو جهێن دونیایێ ئێرشا ل سەر عەفرینێ ب خۆپێشاندان و بەیانناما پرۆتەستۆ کریە و نها ژی د بەردەوامین.
فەسڵە یوسف، بۆ ماڵپەرێ فەرمیی یێ پارتی دیموکراتی کوردستان زەلالکر، نها ژی ل باژاری عامودا و قامشلۆیێ و هەموو نوێنەراتیێن مە یێن ئەوروپا ژی ئالیگر و ئەندام و سەرکردەیێن ئەنەکەسێ ل پێشیا هەر کوردەکی چ برێکێن مەش و خۆپێشاندانان ئێرشێن ل سەر عەفرینێ پرۆتەستۆکرن.
ناڤهاتی زێدەتر گۆت:'' هەموو ئەو دەنگوباسێن نەراستێن هندەک میدیایێن پەیەدێ رەت دکەین کو تۆمەتێن بێ بنەما ئێخستینە سەر ئەنجوومەنا نشتیمانی یا کورد ل سوریێ و هەلویستێ مە دیارە و ئەم وەک ئەنەکەسێ بەرسڤا وان کەس و ئالیان نادەین یێن تۆمەتێن بێ بنەما د ئێخنە ستۆیێ ئەنجوومێ مە، ژبەرکوو نها نە دەمێ هندێ یە، ئەم تۆمەتا ب دووڤ ئێک ڤەنێن، پێدڤیە ل سەر مە هەمووان پشتەڤانیا باژارێ عەفرینێ بکەین.
کاروان باعەدری
