پارتیا ئازادیا کوردستانێ: داخوازی ب توندوتیژیا نائێنە ب جهـئینان

دهۆک-KDP.info- پارتیا ئازادیا کوردستانێ بەیاننامەک بەڵاڤکر و تێدا دیارکر، داخوازێن رەوا نابە کو ب تووند و تیژیێ بێنە کرێت کرن، بێنە قرێژ کرن. حکوومەت و پەرلەمێنتۆیا ھەرێما کوردستانێ دڤێ ژ بۆ چارەسەر کرنا پێویستی و پرسگرێکێن  گەلێ کوردستانێ بەرنامەیەکە ماقوول و گونجاو دییار بکە، پێک بینە.

ناڤاندا چاپەمەنیا پارتیا ئازادیا کوردستانێ بەیاننامەک بەڵاڤکر، و دانەیەک بۆ ماڵپەرێ فەرمیی یێ پارتی دیموکراتی کوردستان شاندیە و تێدا هاتیە، مافەکی  رەوایە کو گەلێ کوردستانێ ژ بۆ  داخوازێن خوە ب  رێ و شێوەیێن دەمۆکراتیک خوەپێشاندانان ل دار بخن. ئاساییشا کوردستانێ ب سەبر ، بێیی کو تووند و تووژییێ ل دژی گەل ب کار بینە، دڤێ رێزێ ل خوەپێشاندانێن دەمۆکراتیک  بگرە.ھەروەھا ئاساییشا کوردستانێ دڤێ رێ نەدە کو ھنەک تێکدەر تووند و تووژییێ بکار بنین، رێ نەدە کو ئێریشی بارەگایێن پارتییان و دەزگەھێن دەولەتێ ژی بکن .

ئاماژە ب وێ یەکێ دایە ژی ، بەلێ  ب چو ئاوایی نایێ قەبوول کرن کو د بن ناڤێ خوەپێشاندانێ دا، ھنەک کەسێن تێکدەر  ئێریشی  بارەگایێن پارتییان و دەزگەھێن خزمەتگوزارییێ و یێن دەولەتێ و جیھ و وارێن گەلێ مە بکەن، ھەر ئێریش و تووند و تووژییا کو د بن ناڤێ خوەپێشاندانێ دە پێک دهێت، زەرارێ ددەتە گەلێ مە، ددەتە وەلاتێ مە، ددە دەستکەفتنێن ب  خوینا شەھیدان ھاتنە بدەست خستن.

ئەو چەندە ژی زەلالکریە، د دەمەکە کو کەرکووک جارەکە دن ھاتییە داگیرکرن، د دەمەکە کو بەغدا، ئیران و ھەموو خێرناخوازێن کوردستانێ ب پلانێن قرێژ دخوازن ھەرێما باشوورێ کوردستانێ ژ ھۆلێ راکەن، نایێ قەبوول کرن کو تو کەس ب ئێریشێن ل سەر پارتییان و دەزگەھێن دەولەتا کوردستانێ، رێ ژ  بۆپلانێن داگرکەران خوەشتر بکەت.

ل دوماهێی دیارکریە، ئەم بانگی  خوشک و برایێن خوەیێن باشوورێ کوردستانێ دکن کو ب رێیێن ئاشتییانە داخوازێن خوە بینن زمان و ل دەستکەفتییێن خوەیێن ٢٦ سالە ھاتنە بدەست خستن خوەدی دەرکەڤن، نە (عەبادی)، نە (مالکی)، نە حەشدا شەعبی ، نە  ئیران دێ چو ئالی پرسگرێکێن گەلێ مە  چارەسەر ناکەن. دڤێ ھەموو پارتییێن سییاسی ل گەل گەلێ مەیێ باشوورێ کوردستانێ چارەیان ژ پرسگرێکێن خوە رە ببینن. دڤێت چو پارتی نەبن پشتگریا تێکدەران.دڤێت ئەم ژ بیر نەکەین کو ل گەل ھەموو پرس و پرسگرێک و کێماسییێن خوە ژی، تەجروبەیا ٢٦ سالییا باشوورێ کوردستانێ ، ب سەدان قات ژ دەما (سەدام حوسین)، ژ ئیدارەیا نھایا بەغدایێیا گەندەل، مەھزھەبی و  ل دژی مرۆڤاتیی ێیە باشترە. بەغدایا د دەستێ رێڤەبرییا شیعەیان دەیە  ژی ، ئیسپات دکەن کو ئەو ژی ل سەر رێبازا (سەدام حسێن) دە نە، و دێ ژ زلم و زۆردارییێ وێدەتر تو تشتان نەدن گەلێ مە.

 

کــــاروان بــــاعەدری