نڤیسینگەها بابە شێخ: پەرلەمێنتۆیا ئیراقێ پێشێلکاریان ل هەمبەر پێکهاتەیان دکەت
__2017_11_16_h16m5s23__ER.jpg)
هۆک-KDP.info- نڤیسینگەها بابە شێخ راگەهاند، ئەڤرۆ پێنچ شەمبوویێ (١٦-١١-٢٠١٧)ـێ ل کەمپا ئێسیان و ل قەزا شێخان یا پارێزگەها دهۆکێ ڤە خۆپێشاندان ل دژی بریارەکا پەرلەمێنتۆیا ئیراقێ برێڤەچۆن.
بەریا چەند رۆژان پەرلەمێنتۆیا ئیراقێ خۆێندنا پرۆژەیا یاسایا بارێ کەسایەتیا یاسا جەعفەری یا کو پێکئینانا ژیانا هەڤژینیێ ژ تەمەنێ (٩) ساڵی و سەردا ب ڕیڤەچۆبوو، کو د بنەرەتدا ئەڤ یاسایە بەریا نها ژ تەمەنێ(١٨) ساڵی و سەردا بوو، و ئەڤەژی بوو جهێ دلگرانیا پێکهاتەیێ ئێزدییان، پێدڤی ب ڤێ یەکێ(هادی بابە شێخ)، بەرپرسێ نڤیسینگەها (بابە شیخ) لێڤەگەرێ ئۆلی یێ ئێزدییان، بۆ ماڵپەڕێ فەرمیی یێ پارتی دیموکراتی کوردستان گۆت:'' ئەڤ یاسایە ب دژی هەمو پێکهاتەیانە و ئەڤ بریارەکا هۆڤانەیە ل دژی هەبوونا مرۆڤایەتیێ و نها ئەڤ بریارە خوێندنا ئێکێ هاتیە کرن، و ئەم ژ جهێن شۆلەژێ دخوازین ئەڤ بریارە نەیە گشتگیر بیر بیت، چونکی ئەم پاپەندی ڤێ بریارێ نابین.
ناڤهاتی گۆتژی:'' ئەگەر ئەڤ پرۆژە یاسایە هاتە جێبەجێکرن، ل وی دەمی ئەم وەک لێڤەگەرە ئۆلا ئێزدییان پێگیریێ ب وێ بریارێ ناکەین، چونکی ب دیتنا لێڤەگەرا ئۆلی یا ئێزدییان ئەڤ یەکە ب دژی مرۆڤایەتیێ یە، و ب هیچ رەنگەکی خزمەتا مرۆڤایەتیێ ناکەت.
بەرپرسێ نڤیسینگەها (بابە شیخ) لێڤەگەرێ ئۆلی یێ ئێزدییان دیار ژی کر، ئەگەر ئەو یاسایە د چارچۆڤێ هەر پێکهاتەک یان مەزهەبەک بهێتە کرن ل وی دەمی ئەو دێ سەرەدەریێ ل گەل کەین .
کــــاروان بـــاعەدری
