GIZ: حکوومەتا هەرێما کوردستانێ دپرۆژەیێن خزمەتگوزاریدا پێشکەفتیە
دهۆک-KDP.info- حکومەتا هەرێمێ بەردەوامى دایە پرۆژەیێن ئاڤادانکرنا پارێزگەها دهۆکێ، لڤان نیزیکان دێ دەست ب ئەنجامدانا پرۆژەیێ بەرفرەهکرنا ئاڤا ناحیا فەیدیێ تا دەڤەرا سێمێلێ کەن، دیسان پرۆژەیێ ساخلەمیێ ل نەخوشخانا تەنگاڤیان ل دهۆکێ ئەنجامدەن، کۆ نیزیکى 20 ملیون یورویا بۆ تەرخانکرن و چەندیین پرۆژەیێن دیتر دێ ئێنە ئەنجامدان ژ وان ئاڤاکرنا قۆتابخانەیان و پێشتەڤانیکرن ل ئاوارە و پەنابەران، کۆ حەفت سەد هزار ئاوارە و پەنابەر ل سنۆرێ پارێزگەها دهۆکێ هەنە.
(ئیسماعیل محەمەد ئەحمەد) هاریکارێ پارێزگەرێ دهۆکى بۆ کارۆبارێ ئاوارە و پەنابەران، بۆ مالپەرێ فەرمیێ پارتى دیموکراتى کوردستان گۆت:" کومپانیا GIZ بۆ چەندین سالایە ل هەرێما کوردستانێ و ب تایبەت ل پارێزگەها دهۆکێ کار دکەت و چەندین پرۆژەیێن (تەندروستى- پەروەردە- ئاڤ- وەرزش- زانستى) ئەنجامداینە".
هاریکارێ پارێزگەرێ دهۆکى بۆ کارۆبارێ ئاوارە و پەنابەران پتر بەحسکر، سەرارایى قەیرانا دارایى و هەبوونا شەرى دژى هەرێما کوردستانێ، بەلێ حکومەتا هەرێمێ بەردەوامى دایە پرۆژەیێن ئاڤادانکرنا پارێزگەها دهۆکێ، لڤان نیزیکان دێ دەست ب ئەنجامدانا پرۆژەیێ بەرفرەهکرنا ئاڤا ناحیا فەیدیێ تا دەڤەرا سێمێلێ کەن، دیسان پرۆژەیێ ساخلەمیێ ل نەخوشخانا تەنگاڤیان ل دهۆکێ ئەنجامدەن، کۆ نیزیکى 20 ملیون یورویا بۆ هاتینە تەرخانکرن و چەندیین پرۆژەیێن دیتر دێ ئێنە ئەنجامدان ژ وان ئاڤاکرنا قۆتابخانەیان و پێشتەڤانیکرن ل ئاوارە و پەنابەران، کۆ حەفت سەد هزار ئاوارە و پەنابەر ل سنۆرێ پارێزگەها دهۆکێ هەنە".
(دیار عەبدولستار سەلیم)، ئەندازیار ل کۆمپانیا GIZ بۆ مالپەرێ فەرمیێ پارتى دیموکراتى کوردستان زەلالکر:" ئەڤرۆ دگەل دەزگەهێن حکومى یێن هەرێما کوردستانێ روونشتین، جونکى پرۆژەیێن ئاڤادانکرنا پارێزگەها دهۆکێ بەردەوام د گەشەکرن و پێشکەفتنێ دانە، واتە پارێزگەها دهۆکێ لسەر پرۆژەیێن خزمەتگوزارى بەردەوام بوویە، دیسان مە خواستیە بۆ پلانا سالا 2018ێ، چ بهێتە ئەنجامدان لگۆر خواستەیا دەڤەرێ و پتر جوانکرنا روویێ شارستانیێ پارێزگەهێ".
(دیار عەبدولستار سەلیم)، ئاماژەدا:" بەردەوام هەول بۆ دابینکرنا دەلیڤێن کارى ژلایێ کومپانیا ناڤبریڤە دئێتەکرن، جونکى پرۆژەیەک هەیە ب ناڤێ (پارە بەرامبەر شولى)، کۆ چەندین کەس ژڤى پرۆژیدا دمفادار بووینە، بەردەوام ژى دەلیڤێن کارى و دروستکرنا پرۆژەیان لدووڤ پلانا کومپانیێ و حکومەتێ ئەنجام ددەین و بەهرا پتریا وان ژى پرۆژەیێن ئاڤادانکرن و پێشڤەبرنێ نە".
GIZ کومپانیەکا حکومییە سەر ب وەلاتێ ئەلمانیا ڤەیە، ژسالا 2014ێ تا نوکە ل هەرێما کوردستانێ کار دکەت و دەلیڤێن کارى بۆ هەولاتیان دابین دکەت.
هەلز عەلى سەلیم
