پەیەدێ سەرکردەیەکی پەدەکەسە رەڤاند
دهۆک-KDP.info- سەرکردەیەکی پەدەکەسێ راگەهاند، دوهی چەکدارێن ئاسایشا پارتیا یەکەتیا دیموکرات(پەیەدە)، سەکردەیەکی پارتی دیموکراتی کوردستان-سووریا (پەدەکەسێ) رەڤاند.
(رەمەزان شیخۆ) بۆ ماڵپەرێ فەرمییێ پارتی دیموکراتی کوردستان راگەهاند: ''ل باژارێ دێرکێ، چەکدارێن ئاسایشا پارتیا یەکەتیا دیموکرات(پەیەدە)، سەکردەیەکی پارتی دیموکراتی کوردستان-سووریا (پەدەکەسێ) رەڤاندنە جهەکێ نەدیار و هەتا نها ژی چارەنڤیسێ وی نەیێ دیارە".
(شێخۆ) ئەو یەکە ژی دیارکر، ئەو سەرکردە ب ناڤێ (عەبدلرەحمان قاسم) بوویە، هەتا نها هیچ دەنگوباسەکی ژێ نزانینە ل سەر ژیانا وی.
ناڤهاتی ئاماژە ب وێ یەکێ کر، کو ژمارەکا زۆر یا ئەندام و لایەنگرێن مە، د زیندانێن پەیەدێ دانە و نیزیکی ١٠ سەرکردەیان، زێدەتر ژ ٤٠ ئۆفیسێن ئەنجوومەنا نشتیمانی یا کورد ل سووریا هاتینە گرتن و سۆتن.
کــــاروان بـــاعەدری
