کەسایەتیەکی ئێزدی: ئێزدییان ژبلی زیانان چ تشت ژ حکومەتا عیراقێ نەدیتیە

 

دهۆک-KDP.info-  کەسایەتیەکی ئێزدی دیاردکەت، ئێزدییان د درێژاهیا دیرۆکێ دا ژبلی زیانان چ تشتێ باش ژ حکومەتــــا عیراقــێ نەدیتیە.

(حەسەن قەوال رەشید)، کەسایەتیێ ئێزدی، بۆ ماڵپەرێ فەرمیی یێ پارتی دیموکراتی کوردستان گۆت:'' ئێزدییان دتەڤاهیا دیرۆکێ دا چ خۆشی ل گەل عیراقێ نەدیتیە ژبلی کوشتن و رەفاندن و کۆمەلکوژییان، ژبەر هندێ ژی مە چ هیڤی و ئۆمید ب حکومەتەکێ نینە کو ماف و ژیانا مە نەیە گرەنتی کری بت.

بریارە ئەڤرۆ سێ شەمبوویێ(٣١-١٠-٢٠١٧)ـێ، پەرلەمانێ ئیراقێ دەنگ ل سەر  بریارا یاسایا بارێ شارستانیا مەزهەبی جەعفەری بدەت پیدڤی ب ڤێ یەکێ ژی ناڤهاتی گۆت: ئەڤ بریارە دەربەکا کوژەک و خەنجەرەکا ژەهراوییە ل دژی پێکهاتەیێن ئاینی ئەڤە ژی رامانا وێ یەکی دگەهێنیت کو هەردەم عیراقێ ڤیایە ب زۆرینەیەکا تائیفی ل دژی گەلێ کورد و پێکهاتەیان هەموو بریاران ب دژی وان ب سەپینیت.

نها دەنگۆیا وێ یەکێ هەیە و چەندین میدیایێن عیراقی بەڵاڤکرینە کو قەزایا تلەعفەر و ئالتۆن کوبری بکەنە پاریزگاهەک و بتنێ بریارا مایە، و شنگال ببیتە قەزایەک سەر ب قەزا تلەعفەر ڤە، پێدڤی ب ڤێ یەکێ دیارکر،کو نها هێزێن ئیراقی و حەشدا شەعبی ئەو کەسە ئینانە ناڤ شنگالێ یە، یێن کو دەست د تاوانا ئێزدییان دا هەی، ئەڤە ژی وێ یەکێ کو وان دڤێت جارەکا دی ئیزدی ل گەل وان کەسان بژین یێن کو دەست د تاوان و کوشتنا ئیزدییان دا هەی.

ل دەڤەرێن کوردستانی یێن دەرڤەی ئیدارەیا هەرێمی بەریا ٢٠٠٣ چەندین حالەتێن رەڤاندن و کوشتنێ چێدبوون و دەنگۆیەک هەیە ئەڤ دەڤەرنە ببنە ئیدارەیێن هەفپشک،ڤی کەسایەتی ئێزدی گۆت:'' بەریا ساڵا ٢٠٠٣ێ چەندین حەلەتێن رەڤاندن و کوشتنێ چێدبوون ژ بەر ڤێ یەکێ ژی باوەریا مە ب وان هێزان نائیت چونکی دێ جارەکا وان عەرەبان ڤەگەرینە دەڤەرێن ئێزدییان.

کــاروان بــاعــەدری