خەلکێ دهۆکێ پشتەڤانیا خۆ بۆ پەیاما سەرۆک بارزانى دیارکر

 

دهۆک-KDP.info-  خەلکێ پارێزگەها دهۆکێ ل سەنتەرێ باژێرێ دهۆکێ خوپیشاندانەک ساز کر ژبۆ پشتەڤانیکرن ل پەیاما سەرۆکێ هەرێما کوردستانێ (مەسعود بارزانى)، هەمیان سوزدا دگەل بارزانى د سەنگەرێن بەرخودانیێ دا بن، بتنێ بارزانى مەرجەعێ وان یێ لشکەرى و یاسایى بیت.

(ئەحمەد سلێمان ئەحمەد) هەولاتیەک بۆ مالپەرێ فەرمیێ پارتى دیموکراتى کوردستان گۆت: "ژ هەر دەمەکێ دیتر پتر پشتەڤانێن سەرۆکێ هەرێما کوردستانێ (مەسعود بارزانى) نە، نوکە ژى خوپیشاندانە ژبۆ پشتەڤانیکرنێ ل پەیاما سەرۆک بارزانى، جونکى ئەو ناسنامە و مەرجەعێ مللەتى کورد و جیهانێ هەمیێ یە".

(نیبارێ حەجى چالاکڤان دبوارێ مرۆڤى دا، بەحسکر: "سەرۆک بارزانى هەر دەم پێشمەرگە بوویە ل سەنگەرێن بەرخودانیێ، نوکە ژى مەرجەعێ رۆژهەلاتا ناڤینە لسەر ئاستێ جیهانێ، هیچ رازى نابین کەسەکێ کێم فام هەولا هندێ بکەت بارزانى ل ئاستەکێ نە ژ هەژى ببینیت، هەردەم پشتەڤانێن بارزانى و رێبازا وى نە".

ئیشەڤا 29/ 10/ 2017ێ، پشتى ماوەیێ سەرۆکاتیا، سەرۆکێ هەرێما کوردستانێ (مەسعود بازرانى) بدووماهیک هاتى، گەلەک هەولدان ژلایەنێن نافخو و یێن دەولى هاتنە کرن بارزانى ماوەیى سەرۆکایەتیا خو درێژ بکەت، لێ سەرۆک بارزانى رازى نەبوو، د پەیاما خودا دیارکر دێ وەک پێشمەرگەیەك د خەباتا خۆیا سیاسیدا بەردەوام بیت.

هەلز عەلى سەلیم