كورد له‌به‌رده‌م په‌رله‌مانی ئه‌ورووپادا، هێرشه‌كانی حه‌شدی شه‌عبییان سه‌ركۆنه كرد
هه‌ولێر-KDP.info- ڕه‌وه‌ندی كورد له برۆکسلی پایتەختی بەلجیکا، گردبوونەوەیەکی فراوانیان دژی هێرشەکانی حەشدی شەعبی بۆ سەر کوردستان ئەنجام دا و داوا دەکەن سنوور بۆ داگیرکاریی حەشدی شەعبی دابنێن.
ئه‌مڕۆ جوارشه‌ممه، هه‌زاران کوردستانی لە برۆکسل چوونە بەردەم یەکێتیی ئەورووپا و یادداشتێکیان بە بەرپرسی مەلەفی عێراق دا، تێیدا داوایان كردووه سنوور بۆ داگیرکاریی حەشدی شەعبی، دەرکردنی کورد و سووتاندن و تاڵانکردنی ماڵەکانیان دابنێن.
(حەسەن خێری) یه‌كێك له كوردانی تاراوگه‌یه و بۆ ماڵپەری فەرمیی پارتی دیموکراتی کوردستان گوتی: ''پشتگیریی خۆمان بۆ هه‌رێمی كوردستان ده‌ربڕی، هێرشی حه‌شدی شه‌یبیمان بۆ سه‌ر كوردستان سه‌ركۆنه كرد، كه به پشتیوانیی سوپای پاسداران ئه‌نجام دراوه.''
كاروان باعه‌دری
