پێشمەرگەیى هێرشەکا حەشدا شەعبى ل تلسقوف ژناڤبر

میحوەرێ تلسقوف -KDP.info- لیوا تارق هەرنى، بەرپرسێ میحوەرێ تلسقوف راگەهاند، ژ سپێدێ تا نوکە سوپایێ عیراقێ و حەشدا شەعبى نیازا هێرشکرنێ لسەر پێشمەرگەیێ کوردستانێ هەبوویە و ل دووماهیێ ئەو هاتنە ژناڤبرن.

(لیوا تارق)، بەرپرسێ میحوەرێ تلسقوف، بۆ مالپەرێ فەرمیێ پارتى دیموکراتى کوردستان گۆت:" سپێدەهیا ئەڤرۆ سوپایێ عیراقێ و حەشدا شەعبى ب نیازا هێرشکرنێ لسەر هێزێن پێشمەرگەیى هاتنە میحوەرێ تلسقوف، لێ تا نیڤرۆ پاشڤەچوون".

(لیوا تارق)، زەلالکر:" پێشمەرگە هەر دئامادە باشیێ دا بوو، تا ئێڤاریا ئەڤرۆ جارەکا دیتر ژلایێ گۆندێ مسقەلاتێ ڤە هێرشکرە لسەر هێزێن پێشمەرگەیى و هاتنە تێکشکاندن".

بەرپرسێ میحوەرێ تلسقوف دیارکر:" کوشتن و بریندار ژ حەشدا شەعبى و سوپایێ عیراقى هەبوون، دهەمان دەمدا  پێشمەرگەیی 3 هەمەر و باژەرەک و مەکزەمینەک یێن حەشدا شەعبى و سوپایێ عیراقێ ژناڤبر".

هەر دئەڤرۆ دا، حەشدا شەعبى و سوپایێ عیراقێ هێرشکرنە لسەر هێزێن پێشمەرگەیى ل مەحموودیە و مەخمور، دئەنجامدا پێشمەرگەیى ب توندى بەرسڤا واند و ژناڤبرن.

هەلز عەلى  سەلیم