سێشەممە په‌رله‌مان كۆ ده‌بێته‌وه
هه‌ولێر-KDP.info- سه‌رۆكایه‌تیی په‌رله‌مانی كوردستان، سێشه‌ممه‌ی دابێی وه‌ك ڕۆژی كۆبوونه‌وه‌ی په‌رله‌مانی كوردستان دایری كرد و، داوا له ئه‌ندامانی په‌رله‌مان ده‌كات له كاتی خۆیدا ئاماده بن.
له بانگهێشتنامه‌یه‌كه‌دا بۆ په‌رله‌مانتارانی، په‌رله‌مانی كوردستان رایگه‌یاندووه، بەپێی حوكمی بڕگە (1)ی ماددە (5) و بڕگە (2) لە ماددەی (17) لە پەیڕەوی ناوخۆی پەرلەمانی كوردستانی عیراق ژمارە (1)ی ساڵی 1992ی هەمواركراو، دەستەی سەرۆكایەتیی پەرلەمان بڕیاری دا، بانگهێشتی گشت ئەندامە بەڕێزەكانی پەرلەمان بكات بۆ دانیشـتنی ژمارە (3)ی ئاسایی خولی پاییزە، ســـاڵی چوارەم لە خولی هەڵبژاردنی چوارەمی پەرلەمانی كوردستان ـ عیراق، لە كاتژمێر (11)ی پێش نیوەڕۆی رۆژی سێشەممە رێكەوتی 24/10/2017 دا، تكایە لەكاتـی دیـاریكراودا ئامادە بن.
