پارتی دیموكراتی كوردستان، پشتیوانی له‌ په‌یامه‌كه‌ی سه‌رۆكی هه‌رێمی كوردستان راگه‌یاند

هه‌ولێر-KDP.info-  پارتی دیموكراتی كوردستان رایگه‌یاند، ناوه‌رۆكی په‌یامه‌كه‌ی سه‌رۆكی هه‌رێمی كوردستان باش و به‌رز ده‌نرخێنێ و پێشوازی لێ ده‌كات.

 

ده‌قی په‌یامی پارتی دیموكراتی كوردستان:

په‌یامی به‌ڕێز سه‌رۆك مه‌سعود بارزانی سه‌رۆكی هه‌رێمی كوردستان له‌كات و ساتێكی گونجاودابوو، هه‌روه‌ها به‌ ده‌روازه‌ی چاره‌سه‌ری كێشه‌ و گرفته‌ ناوخۆییه‌كانی ده‌زانین.

 

ئێمه‌ له‌ پارتی دیموكراتی كوردستان، ناوه‌رۆكی په‌یامه‌كه‌ به‌ باش و به‌رز ده‌نرخێنین و پێشوازی لێ ده‌كه‌ین. هه‌روه‌ها له‌ روانگای خوێندنه‌وه‌ی بابه‌تیانه‌مان بۆ هه‌لومه‌رجی ناوچه‌كه‌ به‌گشتی و كوردستان به‌تایبه‌تی، چاره‌سه‌ری قه‌یرانی سیاسی به‌ زه‌روری ده‌زانین بۆئه‌وه‌ی وه‌ڵامده‌ره‌وه‌ی پێویستییه‌كانی ئه‌م قۆناغه‌ بین و به‌رگه‌ی ته‌حه‌دییه‌كان بگرین و پیلانی دژ و دوژمنه‌كانمان پووچه‌ڵ بكه‌ینه‌وه‌. 

بۆیه‌ پشتیوانی پارتیمان بۆ په‌یامه‌كه‌ی به‌ڕێزیان ده‌رده‌بڕین و ئاماده‌یی ته‌واومان هه‌یه‌ بۆ ده‌ستپێكردنی گفتوگۆ له‌گه‌ڵ هه‌موو لایه‌نه‌ سیاسییه‌كانی كوردستان تا له‌به‌ر رۆشنایی ناوه‌رۆكی په‌یامه‌كه‌ میكانیزمی چۆنیه‌تیی چاره‌سه‌رییه‌كان دیاری بكه‌ین.

 

مه‌حموود محه‌ممه‌د

گوته‌بێژی پارتی دیموكراتی كوردستان 

21ی 11ی 2016