سێیەمین کۆنفرانسێ زانستی یێ کوردێن قەفقاس ل تبلیسێ دەستپێکر

تبلیس-KDP.info- ئەڤرۆ رۆژا شەمبی ٢١ی چریا دووێ یا سالا ٢٠٢٦ێ، ب ئامادەبوونا ڕێزدار سەربەست لەزگین، ئەندامێ مەکتەبا سیاسی و بەرپرسێ مەکتەبا ڕێکخستنا پارتی دیموکراتی کوردستان (پ.د.ک) ل بەهدینان و شاندەکێ پارێزگەها دهۆکێ، سێیەمین کۆنفرانسێ زانستی یێ کوردێن قەفقاس ل باژێڕێ تبلیس یێ پایتەختێ وەلاتێ جۆرجیا دەست ب کارێن خۆ کر.
ئەڤ کۆنفرانسە ل بن ناڤونیشانێ (جۆراوجۆریا ئۆلا د ناڤ نەتەوێ کورد دا) رێکخستیە و بۆ ماوێ دوو ڕۆژان (٢١ و ٢٢ێ) دێ یێ بەردەوام بیت.

ئارمانج ژ گێڕانا ڤێ کۆنفرانسێ، گەنگەشەکرن و ڤەکۆلینە ل سەر فرەئۆلی و پێکڤەژیانا ئاشتیانە د ناڤا جڤاکێ کوردستانێ و کوردێن دەڤەرا قەفقاسێ دا، کو ب درێژاهیا دیرۆکێ بوویە هێمایەکێ گرنگ بۆ لێبۆرین و ئێکگرتنا نەتەوەیی.
د کۆنفرانسێ دا چەندین ئەکادیمیست، ڤەکۆلەر و کەسایەتیێن کورد یێن قەفقاس و کوردستانێ پشکدارن و دێ چەندین تەوەر و ڤەکۆلینێن زانستی پێشکێش کەن.





