"لە قەلادزێدا ھەوڵیان دا ھێرش بکەنە سەر بارەگای پارتی، بەڵام پێیان نەکرا"

بەرپرسی ناوچەی پارتیی دیموکراتی کوردستان لە قەلادزێ (بایز ئاغا) بە ماڵپەڕی فەرمیی پارتیی دیموکراتی کوردستانی ڕاگەیاند: "لە سنووری ئێمە خۆپیشاندان تەواو بووە و چەند کەسێک تایەیان سوتاند و ویستیان پشێوی دروست بکەن، بەڵام لەلایەن ھێزە ئەمنیەکانەوە دەستگیر کران؛ زانیاریمان نییە ژمارەیان چەندە."

(بایز ئاغا) گوتیشی، ھەوڵ درا و ویستیان خۆپیشاندان بەلاڕێدا ببەن و بێن بۆ سەر بارەگاکانی ئێمە؛ بەڵام ڕێگرییان لێ کرا و نەیانتوانی ئەو کارە بکەن.

(ئاغا) ڕوونیشی کردەوە، ئێستا دۆخەکە ئارام بۆتەوە، ئەگەر دووبارە دەست پێ نەکاتەوە.

ئەو بەرپرسەی پارتیی ڕاشیگەیاند، خۆمان بارەگاکانی خۆمان دەپارێزین و ڕێگەمان نەدا ھیچ ھێزێکی ئەمنی بێت.

بڵند ئیبراھیم