ئازیزی: ھەموو سیاسەتێکی پەیەدە، دژی ئەنەکەسەیە
رۆژئاوای کوردستان- kdp.info- ئەندامێکی ئەنجومەنی نیشتمانی کورد لە سووریا دەڵێت، ھەموو سیاسەتی پەیەدە لە ڕۆژئاوای کوردستان دژی ئەنەکەسەیە؛ "حەفتە نییە بارەگایەکمان لێ نەسووتێنن یاخود ئەندام و سەرکردەیەکمان لێ دەستگیر نەکەن."
ئەندامی ئەنجومەنی نیشتمانی کورد لە سووریا (کاوە ئازیزی) بە ماڵپەڕی فەرمیی پارتیی دیموکراتی کوردستانی ڕاگەیاند: "پەیەدە لە ڕۆژئاوای کوردستان بەردەوامە لە دژایەتیکردنی ئەنەکەسە و ھەموو سیاسەتەکانیشی دژی ئێمەیە؛ ئەوەتا حەفتە نییە پەیەدە بارەگاکانی ئێمە نەسووتێنی یاخود سەرکردە و ئەندام و لایەنگرانی ئێمە دەستگیر نەکات."
(کاوە ئازیزی) گوتیشی، پەیەدە ڕێگە نادات تەنانەت پاسەوانی لە بارەگاکانی خۆشمان بکەین و دەستیان بەسەر ھەموو شتێکدا گرتووە و شەوانە دێن ئاگر لە بارەگاکانمان بەردەدەن و دەڕۆن و کەسیش نییە لێیان بپرسێتەوە.
دەیشڵێ پێرێیش بارەگاکەی 'گرکێلەکێ'ـیان لێمان سوتاند.
(ئازیزی) ڕوونیشی کردەوە، ئەو سیاسەتەی پەیەدە بەردەوام دەبێت تاوەکو ھاوسەنگیی ھێز دروست دەبێت یاخود ڕژێمی سووریا دەڕووخێت.
بڵند ئیبراھیم
