تەقینەوەیەك لە خورماتوو زیاتر لە 15 قوربانیی لێ كەوتەوە

خورماتوو- تایبەت بە KDP.info- ئێوارەی ئەمڕۆ لەناو سەنتەری شارۆچكەی خورماتوو تەقینەوەیەك رووی دا و ژمارەیەك كوژراو و برینداری لێ كەوتەوە.

بەرپرسی ناوچەی پارتیی دیموكراتی كوردستان لە خورماتوو (محەممەد ئیسماعیل)، بە KDP.info-ی ڕاگەیاند، ئێوارەی ئەمڕۆ سەعات پێنج، لە بازاڕی گەورەی ناو سەنتەری شارۆچكەی خورماتوو لە پێش دوكانێكی چاككردنەوەی پایسكل تەقینەوەیەك رووی دا و لە ئەنجامدا زیاتر لە 15 كەس بریندار بوون و هاووڵاتییەكیش شەهید بووە.
(محەممەد ئیسماعیل) گوتیشی، بریندارەكانی ئەو تەقینەوەیە هەندێكیان گەیەندراونەتە نەخۆشخانەی خورماتوو بە تایبەت ئەوانەی برینەكانیان سووك بوون، هەندێكیشیان بە هۆی سەختیی برینەكانیانەوە ڕەوانەی نەخۆشخانەی كەركووك كراون.
نەشوان بەرزنجی