بە هۆی تەقینەوە و بۆردوومانی ڕەمەکیانەی خورماتوو، 41کەس بوونە قوربانی

خورماتوو-KDP.INFO-  بەرێوبەری ئاساییشی خورماتوو ڕایگەیاند، چەکدارانی داعش بە شێوەی ڕەمەکی خورماتوو بۆردوومان دەکەن و، لە ئاکامدا نزیکەی40ھاووڵاتیی مەدەنی بوونەتە قوربانی.

بەرێوبەری ئاساییشی دوزخورماتوو(راید فارووق ئەحمەد) بە kdp.infoی گوتیشی: "لە بەردەم سایلۆی خورماتوو، ئۆتۆمبێلێک تەقییەوە، لە ئاکامدا دوو پێشمەرگە بوونە قوربانی."
(راید فارووق ئەحمەد) زیاتر گوتی: "دواتر چەکدارانی داعش ڕەمەکیانە خورماتوویان بۆردوومان کرد، لە ئاکامدا ھەشت کەس شەھید بوون و30 کەسی دیکەیش بریندار بوون."
روونیشی کردەوە، "ئەو کەسانەی بوونەتە قوربانی، ھەموویان ھاووڵاتیی مەدەنین."

بڵند ئیبراھیم