سەرۆکی حکوومەت پێشانگەی نێودەوڵەتیی بیناسازی و ئاوەدانکردنەوەی کردەوە
هەولێر-KDP.info- ئەمڕۆ سێشەممە، مەسروور بارزانی سەرۆکی حکوومەتی هەرێمی کوردستان، پێشانگەی نێودەوڵەتیی بیناسازی و ئاوەدانکردنەوەی لە هەولێر کردەوە.
لە پێشانگەکەدا 214 کۆمپانیا لە 15 وڵاتی جیاوازەوە تێیدا بەشدارن، وەکو خۆی دەڵێت، کە لە سەدا 80ـی کۆمپانیاکان بیانین و سەدا 20ـیش کۆمپانیاکانی ناوخۆی هەرێمی کوردستانن.
زیاتر لە 400 بڕاندی جیھانیی بەشداری لە پێشانگاکەدا دەکەن و بازرگانان دەتوانن لەو ماوەیەدا ئاڵوگۆڕە بازرگانییەکانیان ئەنجام بدەن.
دوای کردنەوەی پێشانگەکە مەسروور بارزانی سەرۆکی حکوومەتی هەرێمی کوردستان، بەشداری پانێلێکی پێشانگەکەدا دەکات.
