''پارتی هشمەندییەکا نیشتیمانی و نەتەوەییە، دچارچۆڤەیێ هەموو پاڕچەیێن کوردستانێ دا''

کوردستان-KDP.info- ب بۆچۆنا سەرکردەیێن پاڕچەیێن دی یێن کوردستانێ جوداهیا پارتی ئەوە کو پارتی بۆ تەڤاهییا پاڕجەیێن کوردستانێ و هەر جهەکی کورد لێ هەبیت کاردکەت، کو ئەڤە ژی بوویە ئەگەر کو هەر کوردەک پارتی ب مالا خۆ بزانت.

پارتی دیموکراتی کوردستان و بەریا ٧٤ ساڵان د رۆژەکا وەکی ئەڤرۆ دا هاتە دامەزراندن، سیاسەتڤان و دیرۆکزان پارتی وەک هێزا بەرەڤانیا گەلێ کورد و پارتا پێشەرۆژا گەلێ کورد دزانن کو ئاڵاهەلگرێ سەرخۆبوونا گەلێ کوردە.

دڤی بیاڤی دا موستەفا ئۆزجەلیک، سەرۆکێ گشتیێ پارتیا ئازادیا کوردستانێ PAKـێ دبێژیت، هەر دەما ئەم بەحس ل پارتی بکەین د بنەرەتدا ئەم بەحسا ئۆرگەنیزاسیۆنەکا زێندی و بەردەوام، تێکۆشەر دکەین. پارتی ب کەڤتن و رابوونێن خوە ، بێیی وەستان ،ب سەبر، ب ھیشمەندییەکە نەتەوی ھەتا ئیرۆ ھاتییە.ھیمەکی ئەساسییێ تێکۆشینا ئازادییا کوردیستانێیە.

ئۆزجەلیکی بۆ ماڵپەرێ فەرمیی پارتی دیموکراتی کوردستان گۆت:'' بەردەوامییا تێکۆشینا بابانان، میر محەمەد، بەدیرخانییان، شێخ ئووبەیدولایە و بەردەوامییا تێکۆشینا شێخ ئەبدولسەلام بارزانی، شێخ ئەحمەد بارزانی، شێخ سەید، خالید بەگێ جیبری، سەیید رزا، ئیحسان نووری پاشا، شێخ مەحموود بەرزەنجی، سیمکۆ ئاغایێ شیکاکییە.

گۆتژی؛'' پارتی ئاکتۆرێ ئەساسییێ دامەزراندنا پەیمانا ئۆتۆنۆمییا ١٩٧٠ێ یە. هێمایە ئەساسییێ دامەزراندنا دەولەتا فەدەرەیا ل باشوورێ کوردیستانێیە.

د. عەبدولحەکیم بەشار، ئەندامێ مەکتەبا سیاسییا پارتی دیموکراتی کوردستان-سوریا گۆت:'' دامەزراندنا پارتی  ب سەرۆکایەتییا بارزانیێ نەمر نە دامەزراندنا پارتییەکا ئاساییی بوو بەلکوو دامەزراندنا پارتی بوو بنگەهـ و رۆناهییەکێ بۆ گەلێ کورد.

بەشار هەمان دەمدا جێگرێ سەرۆکێ ئیتلافا نشتیمانیا ئۆپۆزسیۆنا سوریا یە ژی، و گۆتژی:'' پارتی هووشیارییا گەلێ کورد بوو ل سەرانسەری پارچەیێن دی یێن کوردستانێ دا د وارێ نیشتیمان پەروەری و هوشیارا نەتەوەییدا.

بەشاری ئاماژەدا، پارتی هەردەم بۆ پاڕچەیێن کوردستانێ کارکرییە و ب تایبەت ژی بۆ رۆژئاڤا چەندین پەیمانێن لێکنێزبوونێ بۆ پارتیێن کوردی یێن رۆژئاڤا دروستکرن دبن چاڤدێری و سەرپەرشتییا سەرۆک بارزانی دا.

شەلال گەدۆ، سکرتیڕێ پارتیا چەپا دیموکراتا کوردی ل سووریا دبێژیت، پارتی دیموکراتی کوردستان بوویە پیدڤییەک ژبۆ هەر چار پارچێن کوردستانێ ژبلی کو پارتییەک بیت بەلکوو قوتابخانەیەکە.

گەدۆی بۆ ماڵپەرێ فەرمییێ پارتی دیموکراتی کوردستان گۆت:'' ئەڤ قوتابخانە بە هەزاران شۆرەشگێر و پێشمەرگە تێدا هاتینە پەروەردەکرن ژبۆ تەڤاهیا گەلێ کورد و هەرچار پارچەیێن کوردستانێ.

''هەفتی و چار ساڵ دەرباز دبن ب سەر ژیێ پارتی دا کو هەموو ژیێ خۆ بۆ دۆزا گەلێ کورد دەرباز کرییە، گەدۆی وەسا گۆت.

کــاروان بــاعەدری