پەروەردە: ڤەکرنا کەناڵێ پەروەردەیی دەستکەفتنەک پەورەردیی و فێربوونێیە ل دهۆکێ
دهۆک-KDP.info- رێڤەبەرێ گشتیێ پەروەردا پارێزگەها دهۆکێ دبێژیت، ڤەکرنا کەناڵی لۆکالیێ پەروەردەیی ل دهۆکێ دەستکەفتەک مەزنە بۆ پەروەردە و فێربوونێ ل سەر ئاستی پارێزگەها دهۆکێ.
عومەر عەلی تەها، بۆ ماڵپەرێ فەرمیێ پارتی دیموکراتی کوردستان راگەهاند، ئەڤ کەناڵە ب هەڤکاریی ل گەل رێکخراوا یونسیف ب دابنیکرنا ئامیران و پشتەڤانییا وەزارەتا پەروەردێ و پارێزگەها دهۆکێ و دبن چاڤدێریا پەروەردا دهۆکێدا بۆ پەروەردێ هاتە ڤەکرن.
ناڤهاتی دیارژی کر، ئەڤە ئێکەم جارە کەناڵەک ب ڤی شێوەیی ل دهۆکێ دهێتە ڤەکرن بۆ گەهاندنا وانەیان ب رێکا کەناڵەکێ بۆ قوتابیان و پێگەهاندنا قوتابییان ب رێکا وانەیین دەنگ و رەنگ.
دیارژی کر، ئەو بزاڤان دکەن ئەڤ کەناڵە ببیتە کەناڵەکێ سەرانسەری بۆ تەڤاهییا قوتابییان ل هەرێما کوردستانێ.
کاروان باعەدری
